Fëmijët i shohin këto ushqime të cilat nuk kanë ndonjë vlerë ushqyese, të reklamuara nëpër dyqane, postera, internetdhe në televizor. Por a duhet t’i konsumojë?
Rrallë, shumë rrallë! Ato mund të jepen vetëm në raste të rralla festash. Për të mos pasur probleme me fëmijët tuaj mos i mbani këto ushqime në shtëpi sepse nëse fëmija do t’i shikojë dhe nuk do t’i hajë, mund të jetë me të vërtetë një problem për ju dhe për të duke qënë se mund të fillojë të irritohet. Lërini mënjanë ushqimet pa vlera, si karamelet, çokollatat, patatinat etj.
“Po dëshira dhe kënaqësia e fëmijës?”
Me mendjen tuaj me siguri do të pyesni si do të ndihet fëmija. Në stomakun e vogëlushit ka shumë pak vend për të mbajtur ushqime, prandaj mendoni me kujdes kur e mbushni atë. Shpesh më shumë prindërit kënaqen që shikojnë fëmijët të hidhen përpjetë nga gëzimi për një çokollatë apo akullore, se sa vetë fëmijët që nuk do të shqetësohen aq shumë nëse nuk do t’i konsumojnë ato (pra shpesh prinderit mendojne se femijet merziten nese nuk i hane por nuk eshte aspak keshtu). Fëmija juaj mund të gëzohet dhe kënaqet në shumë mënyra dhe vende të tjera dhe jo duke i dhënë ushqime pa vlera ushqyese. Jepini fëmijës ëmbëlsira të shëndetshme. Frutat dhe kosi mund të bëhen pjesë e një vakti ushqimi dhe jo si shpërblim në fund të ngrënies për fëmijën që e mbaroi të gjithë pjatën.
Rëndësia e secilit vakt! A është mëngjesi gjithmonë i domosdoshëm për fëmijët? Po vaktet zemër?
Mëngjesi është vakti më i rëndësishëm i ditës për të gjithë, pra edhe për fëmijët. Mosngrënia e mëngjesit mund të ndikojë në gjallërinë e tyre përgjatë gjithë ditës. Shumë studime dhe vetë prindërit kanë vënë re faktin se një mëngjes i ushqyeshëm e ndihmon më mirë funksionimin e trurit tek fëmijët. Mëngjesi duhet të përmbajë proteinat e duhura për energjinë, që parandalon lodhjen e fëmijës në mesditë. Fëmija ka stomak të vogël dhe mbushja e tij tri herë në ditë, nuk mund t’i japë energjinë e duhur për rritjen dhe lëvizjet e tij. Për këtë ka rëndësi dhënia e vakteve të ndërmjetme. Edhe në këto vakte të ndërmjetme ushqyerje, duhet të jepen ushqime nga të gjitha grupet ushqimore.
Lexo edhe:
Si te pergatisim akullore ne shtepi?
')}
Për të lënë një koment ju duhet të jeni regjistruar Identifikohu