Gjatë shtatzanisë, jeta juaj mund të duket si një pafundësi takimesh mjekësore. Dhe e vetmja gjë që nuk doni t’i shtoni vetes atë periudhë është edhe një takim tjetër te mjeku. Megjithatë, në rekomandimet e fundit, Akademia Amerikane e Pediatrisë thekson rëndësinë e takimit me pediatrin e ardhshëm të fëmijës suaj para se të lindni.
“Ne inkurajojmë një vizitë pediatrike para lindjes së fëmijës në mënyrë që të filloni një marrëdhënie të besuar me mjekun”,- thotë Michael W. Yogman, kryetar i Komitetit të Agjencisë Amerikane të Pediatrisë për Aspektet Psikosociale të Shëndetit të Fëmijës dhe Familjes, “Ne inkurajojmë të gjithë pacientët për këto vizita, veçanërisht ata me rrezik të lartë psikosocial dhe me depresion perenatal”.
Sipas një raporti të publikuar në revistën Pediatrics, më pak se 39% e personave që bëhen prindër për herë të parë takohen me pediatrin e ardhshëm të fëmijës së tyre gjatë periudhës prenatale. Normat e vizitave pediatrike para lindjes ishin më të ulëta për prindërit me më pak të ardhura ekonomike.
Përtej takimit, përshëndetjes dhe njohjes këto takime prenatale lejojnë prindërit dhe pediatrin të diskutojnë historitë mjekësore familjare, shëndetin e nënës dhe sugjerimet për kujdesin dhe sigurinë e hershme të foshnjës. Autorët e raportit shpjegojnë “si specialiteti mjekësor që është tërësisht i përqendruar në shëndetin dhe mirëqenien e fëmijës, kujdesi pediatrik idealisht fillon para shtatzënisë, me planifikimin e riprodhimit dhe vazhdon gjatë shtatzënisë. ”
Autorët thonë se tema të tjera të vlefshme të diskutimit gjatë takimeve pediatrike prenatale përfshijnë: prindërimin pozitiv, lindjen dhe rutinat e çerdheve, planet për të ushqyerit e të miturve, sigurinë, emocionet tek të sapolindurit dhe prindërit.
Lexo edhe: Vizita e pare tek pediatri, kur duhet bere dhe perse
Sorry, there are no polls available at the moment.')}
Për të lënë një koment ju duhet të jeni regjistruar Identifikohu