Shumica e fëmijëve nuk e kanë bërë vizitën e tyre të parë tek dentisti deri pas moshës 2 vjeçare. Në fakt mosha mesatare për vizitën e parë tek dentisti është 2.5 vjeç, pasi shumë prindër mendojnë se vizitat më të hershme janë humbje kohe dhe parash pasi në atë periudhë fëmijët do të kenë vetëm pak dhëmbë. Por sipas “American Academy of Pediatrics”, një fëmijë duhet ta bëjë vizitën e tij të parë te dentisti në moshën 1 vjeçare ose 6 muaj pas daljes së dhëmbit të parë.
A ka rëndësi kujdesi për dhëmbët e parë?
Sipas tyre dhëmbët e parë luajnë një rol të rëndësishëm në shëndetin dentar të fëmijëve. Kujdesi për dhëmbët e parë është thelbësor pasi kavitetet mund të hapin rrugën për sëmundje të tjera dentare, duke bërë të mundur që bakteret të kolonizojnë mishin e dhëmbëve të fëmijëve. Kjo gjë shkakton humbjen e parakohshme të dhëmbëve të qumëshit, por humbja e dhëmbëve të qumëshit përpara se fëmija të jetë gati për dhëmbët e përhershëm mundë të krijojë probleme serioze me dhëmbët e tyre në moshë madhore.
Gjithashtu ekzaminimet e hershme dentare janë një mënyrë e mirë për të mësuar fëmijët të kujdesen për shëndetin e tyre dentar dhe të sigurojnë një higjienë orale. Prezantimi i hershëm me dentistin është dhe një metodë e mirë për të hequr frikën që shumë fëmijë kanë prej tyre.
Por nëse fëmija juaj është pak më i madh në moshë dhe ndihet në ankth për vizitën e tij të parë tek dentisti, ju duhet ta bindni atë që asgjë e keqe nuk do të ndodhë. Veprimi më i mirë që mund të bëni është ta qetësoni atë duke i treguar të gjithë proçesin që do të ndiqet gjatë vizitës dhe t’i jepni mbështetjen tuaj duke i thënë se do të jeni më të gjatë gjithë kohës.
Si të zgjedhim dentistin e duhur për fëmijën?
Zgjedhja e dentistit të fëmijëve është gjithashtu shumë e rëndësishme. Dentisti duhet të ketë eksperiencë pune në trajtimin e fëmijëve dhe ambienti i tij i punës duhet të jetë plot ngjyra dhe tërheqës për fëmijët në mënyrë që ata mos të frikësohen nga zhurmat e çuditshme dhe mjetet e shndritshme që dentisti përdor.
Lexoni dhe: Pastrimi i dhembeve te femijes
')}
Për të lënë një koment ju duhet të jeni regjistruar Identifikohu