Në datën 17 shtator të gjithë nxënësit e shkollave 9-vjeçare dhe të mesme do të fillojnë vitin e ri shkollor 2018-2019. Sigurisht prindërit e fëmijët kanë filluar nga përgatitjet, ku më kryesoret janë pajisja me libra, çanta e mjetet e tjera mësimore.
Ndryshe nga vitet e tjera, këtë vit ka një ndryshim për nxënësit që ndjekin arsimin fillor nga klasa e parë deri në klasën e katërt, të cilëve do t’u jepen tekstet shkollore në përdorim falas. Pra, nxënësit do të përfitojnë librat falas, por duhet t’i rikthejnë ata në përfundim të vitit shkollor.
Blerja e librave kryhet nga institucioni arsimor, i cili pajis secilin nxënës.
Përveç nxënësve të fillores, përfitojnë nga marrja e librave falas edhe disa kategori të tjera.
Nxënësit që janë fëmija e tretë ose më shumë në radhë në familje, fëmijët që janë pjesë e familjeve që marrin ndihmë ekonomike dhe fëmijët që janë viktima të trafikimit.
Kështu ju duhet vetëm të pajisni fëmijët me çanta, fletore, lapsa, stilolapsa, lapsa me ngjyrë, gomë e të tjera mjete si këto.
Suksese!
Lexo edhe: Si te zhvilloj aftesite komunikuese te femijes perpara se te shkoje ne shkolle?
')}
Për të lënë një koment ju duhet të jeni regjistruar Identifikohu