Nëse jeni në fillimet e ushqyerjes së bebes duhet të mësoni disa nga rregullat kryesore që do t’ju vijnë në ndihmë!

• Sigurohuni që bebi juaj është gati për të filluar ushqime të reja përveç qumështit të gjirit apo të formulave. Pediatrët rekomandojnë që të pritet deri kur bebi juaj është 6 muajsh, (ose në raste të veçanta të paktën deri në fund të muajit të katërt) përpara se të fillohen ushqimet e tjera. Në këtë moshë ai fillon të qëndrojë mirë ulur, pa mbështetje, mund të kapë gjëra të vogla dhe është shumë i interesuar kur ju keni një pjatë përpara dhe po hani diçka.
• Veproni me ngadalë. Ju dhe bebi juaj keni shumë kohë për të eksploruar gjithë botën e re të kënaqësisë së kuzhinës. Jepini bebit tuaj sasi shumë të pakta ushqimi në fillim (rreth 1 lugë gjelle). Gradualisht, rriteni sasinë deri në një çerek filxhani nga ky ushqim për një vakt.
• Nuk ka asnjë metodë pranimi të ushqimeve më të mirë se ta lësh bebin ta provojë vetë. Ajo që bebi juaj pëlqen apo nuk pëlqen dhe historia e familjes për shenja alergjie/astme (pra nese keni nje person ne familje me kete problem), luajnë një rol të madh në ushqimet që do të zgjidhni për t’i dhënë dhe kohën kur duhet t`ja filloni.
• Pranoni se koha e ushqyerjes është e lodhshme dhe e rrëmujshme. Shumë prej ushqimeve që ju do t’i jepni bebit tuaj do të përfundojnë në dysheme, rrobat e tij dhe tuajat. Kjo është pjesë e mësimit, prandaj vishuni si duhet.
• Filloni vetëm një ushqim të ri në çdo javë. Koha më e mirë për t’i dhënë ushqimet e reja është paraditja. Kjo e bën më të lehtë vëzhgimin e ndonjë shenje që mund të japë bebi juaj për ndonjë reaksion alergjik, si skuqje e lëkurës me puçrra të vogla, hundë që kullojnë, grindje. Shikoni për reaksione të rënda dhe nëse këto ndodhin, duhet t’ia tregoni mjekut që ndjek ecurinë bebin.
• Prisni një ndryshim në feçet e bebit. Gjatë kohës që ju i shtoni ushqyerjes së bebit ushqimet e ngurta, do të shikoni një ndryshim në ngjyrë, përmbajtje dhe shpeshtësi në jashtëqitjen e bebit tuaj. Është normale që feçet ndryshojnë ngjyrë, në varësi nga ushqimi që ha bebi. Mbani mend se bebet kanë stomak të vogël, prandaj jepini më mirë sasi të pakta dhe më shpesh gjatë ditës, se sa një sasi të madhe në tre vakte.
• Ndiqni reagimin e bebit tuaj. Nëse bebi juaj nuk pëlqen një ushqim ose nuk ka uri, mos e detyroni me forcë ta hajë. Ka shumë rëndësi që koha e ngrënies të jetë e këndshme dhe e gëzueshme.
• Bëjeni ngrënien një ngjarje sociale. Lejojeni bebin të ulet me familjen në kohën e ngrënies. Kështu ai mund të fillojë të pëlqejë anën sociale për të ndarë ushqyerjen me familjen. Bebet zakonisht e duan këtë ndërveprim.

Keni një këshillë për të shtuar? Një recetë për t’i sygjeruar një nëne tjetër? E shtoni në koment.

Lexo edhe: Perfitimet e karotes per bebet

 

 

Sorry, there are no polls available at the moment.

 

 

 

')}