Gratë që vendosin të mos ushqejnë fëmijët me gji duhet të respektohen për zgjedhjen e tyre, kanë bërë me dije mamitë. Këshilla e “Kolegjit Mbretëror të Mamive” (RCM) thekson se nënave të reja duhet t’u jepet mbështetja e duhur nëse duan të informohen për ushqyerjen me qumësht formulë.
Por udhëzimi ende thotë se bebet duhet të ushqehen të paktën për gjashtë muaj me qumësht gjiri. Kjo është në përputhje me këshillat e Organizatës Botërore të Shëndetësisë (WHO).
Por RCM shprehet se vendimi nëse nëna do ta ushqejë fëmijën me gji i përket vetëm asaj.
Shefi ekzekutiv, Gill Walton, tha: “Dëshmitë tregojnë qartë se ushqyerja me gji në përputhje me udhëzimet e OBSH sjell përfitime për shëndetin e nënës dhe të fëmijës. Megjithatë, disa gra për arsye të ndryshme nuk ushqejnë me qumësht gjiri.
“RCM beson se gratë duhet të kenë në qendër kujdesin ndaj vetes ndërsa mamitë dhe punonjësit duhet të promovojnë zgjedhje të reja në mënyrë që t’i informojnë.
“Nëse, pasi ato janë informuar në mënyrën e duhur në lidhje me ushqyerjen me gji, dhe nëse ajo vendos përsëri të mos ushqejë me gji, por zgjedh t’i japë qumësht formulë, duhet të respektohet zgjedhja e saj”.
Fondacioni Kombëtar i Fëmijëve ka paralajmëruar se gratë mund të përballen me gjykime të ndryshme ose të ndjehen fajtore për këtë vendim kur bëhet fjalë për ushqimin e fëmijës së tyre. Por RCM u shpreh se njihte disa gra që nuk mundeshin ose nuk dëshironin të ushqenin fëmijën me gji.
“Atyre duhet tu jepen të gjitha këshillat dhe mbështetja në mënyrë që të përgatisin qumështin me formulë sa më mirë dhe të zhvillojnë një lidhje të afërt me fëmijën”, shtoi Walton.
“Ne e dimë se çdo grua dëshiron më të mirën për fëmijën e saj dhe ne duhet të jemi në gjendje t’i mbështesim në mënyrë që të marrin vendime sa më të mira për vete dhe për foshnjat e tyre”. Organizata tha gjithashtu se ato që zgjodhën të ushqejnë fëmijët e tyre me gji kishin nevojë për më shumë mbështetje dhe nuk duhet të ndihen fajtorë kur i japin gji në publik.
Studimet kanë zbuluar se ushqyerja me gji ka përfitime shëndetësorë.
Mbretëria e Bashkuar është një nga vendet me statistika më të ulëta përsa i përket ushqyerjes me gji. Një raport i kohëve të fundit zbuloi se pak më shumë se një e treta (34%) e foshnjave në Britani ushqehen me qumësht gjiri deri në muajin e gjashtë, krahasuar me 62.5% që është në Suedi.
Lexo edhe: Si te eleminohet ushqyerja me gji gjate nates?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu