Të jesh fertile (pjellore) apo të jesh në gjendje të ngjizësh një bebe duhet të jetë diçka normale, por për shkak të ndryshimeve që modernizimi i ka bërë stilit të jetesës së njerëzve, shumë çifte në vendet në zhvillim vuajnë nga infertiliteti.
Ka shumë faktor që mund të ndikojnë në aftesinë tuaj për të ngelur shtatzënë. Një ndër këta faktor është edhe dieta juaj. Nëse ju jeni duke u përpjekur që të ngjizni një fëmijë është shumë e rëndësishme që t’i përmbaheni një diete të shëndetshme dhe të eleminoni ushqimet që do të ulin mundësitë tuaja për të “shijuar” një shtatzëni.
Më poshtë është një listë me ushqimet që do të ndikojnë negativisht në fertilitetin tuaj.

Ushqimet me bazë soje

Të gjitha ushqimet me bazë soje si qumështi i sojës, mielli i sojës apo tofu e ulin aftësinë tuaj për të ngjizur një fëmijë. Këto produkte ndikojnë në fertilitetin e meshkujve dhe të femrave, por dëmin më të madh e pësojnë femrat. Arsyeja se pse ndodh kjo gjë është se këto produkte përmbajnë një kimikat që imiton estrogjenin, i cili nëse gjendet në sasi të mëdha në trupin e femrës mund të shkaktojë infertilitet.

Sheqeri

Kur ju konsumoni sheqer, menjëherë trupi juaj fillon të çlirojë insulinë, me kalimin e kohës nëse ju kosumoni sheqer në mënyrë të rregullt trupi juaj lodhet dhe e ndalon prodhimin e insulinës. Kjo situatë mund të shkaktojë zhvillimin e një sëmundje të njohur si sindroma e vezoreve policistike. Kjo sindromë dëmton fertilitetin tek femrat dhe mund të shkaktojë probleme edhe gjatë shtatzënisë.

Pijet me gaz

Si sheqeri edhe pijet me gaz duhet të shmangen nëse jeni duke tentuar për një shtatzëni. Përveçse përmbajnë sasi të larta sheqeri ato përmbajnë edhe kimikate si xenohormonet të cilat kanë efekte estrogjenike. Dhe siç u përmend më sipër, estrogjeni në sasi të medha mund të ulë fertilitetin.

Patatet e skuqura

Patatet e skuqura përmbajnë një sasi të madhe yndyre, kjo gjë mund të shkaktojë inflamacione dhe rezistencë ndaj insulinës, të cilat ndikojnë në fertilitetin tuaj. Edhe meshkujt duhet t’i shmangin patatet e skuqura pasi ato ulin numrin e spermatozoidëve të prodhuar.

Alkooli

Alkooli po ashtu si zhiva mund të ndalojë proçesin e përthithjes së vitaminës B nga trupi. Kjo nuk është gjë e mirë pasi vitamina B është esenciale për krijimin e vezëve dhe mungesa e saj do të zvogëlonte shumë mundësitë tuaja për të ngelur shtatzënë.

Lexoni dhe: 5 ushqimet qe do t’ju ndihmojne te ngelni shtatzane 

')}