Arsyeja pse patatet e skuqura dhe ëmbëlsirat janë të preferuarat e fëmijëve sipas disa studiuesve kanë lidhje me historinë e evoluimit të njeriut. Njeriu Homo sapiens kishte në dispozicion sasi shumë të vogla ushqimi krahasuar me njeriun e sotëm. Ata bënin një jetë shumë aktive, aktivitet i cili është ekuivalent me 3.5 orë vrap ose 6 orë ecje në ditët e sotme.

Ky fakt ka bërë të mundur zhvillimin tek njeriu Homo sapiens të një preference të vecantë ndaj ushqimeve kalorike, si për shembull ato me yndyrë dhe sheqer të lartë, kjo pasi do të ishin pikërisht këto lloj ushqimesh që do të furnizonin trupin me energji. Kjo preferencë i ka rezistuar kohës, duke bërë që edhe në vendet e pasura ku ushqimi nuk mbaron kurrë, fëmijët të preferojnë ushqimet jo të shëndetshme, të cilat bëjnë të mundur një rritje të madhe të peshës trupore.