Urtikaria është një problem shumë i përhapur tek fëmijët dhe prek lëkurën. Ajo shoqërohet me fryrje të lëkurës në disa vende të ndryshme të trupit dhe faktorët që e provokojnë mund të jenë të ndryshëm si për shembull ekspozimi në diell gjatë stinës së pranverës dhe verës, konsumi i një ushqimi që shkakton alergji, etj.
A mund të konsiderohet një patologji?
Jo, urtikaria shkaktohet nga aktivizimi i sistemit imunitar, pra si një përgjigje e tij, pak a shumë si temperatura e cila nuk është një sëmundje por një tregues që në trup pa një problem.
Simptomat që shfaq
Në lëkurën e fëmijës shfaqen pulla të kuqe, dhe më pas, në fazën e dytë pullat do të bëhen më të ngritura dhe me ngjyrë më të hapur. Ky lezion shkaktohen nga lëshimi i histaminës, e cila është një substancë që shkakton fryrje dhe kruarje. Urtikaria nuk është ngjitëse, zgjat vetëm pak kohë dhe mund të shfaqet në një zonë tjetër të trupit.
Përse shfaqet urtikaria?
Ajo është shenja e aktivizimit të sistemit imunitar si pasojë e një alergjie. Megjithatë ajo mund të konsiderohet edhe si shenjë e aktivizimit të sistemit imunitar ndaj një infekson apo sëmundje, etj. Për ta vërtetuar duhet të shkoni tek mjeku.
Në rast se kemi të bëjmë me alergji, do të jetë e vështirë të gjendet shkaktari duke qënë se fëmija mund të jetë alergjik duke filluar nga pluhuri e deri tek patatja, pra ka shumë faktorë rreziku. Megjithatë si ushqimet që konsiderohen më të prirut të aktivizojnë lëshimin e histaminës janë domatet, toni i peshkut, luleshtrydhet, etj.
Sa zgjat?
Nëse është shkaktuar nga një alergji zakonisht zgjat pak kohë, pra mund të zhduket brenda 48-72 orëve edhe në mënyrë spontane. Në rast infeksioni duhet kuruar edhe shkaktari. Mjeku mund të përshkruajë një medikament që të larguar kruarjet dhe qetësuar simptomat.
Lexoni edhe: Dermatiti atopik përkeqësohet në verë, si ta trajtoni?
Për të lënë një koment ju duhet të jeni regjistruar Identifikohu