Një studim i parë i këtij lloji zbuloi se një ndër arsyet e abortit spontan lidhet  me cilësinë e spermës së partnerit. Prodhimi i ulët i hormoneve dhe niveli i lartë i oksidantëve te meshkujt shkaktojnë ndërprerje të shtatzanisë. Ky informacion mund të ndihmojë disa çifte të parandalojnë gabimet duke testuar trajtimet për të përmirësuar shëndetin riprodhues të burrave.

Cilësia e spermës

Hulumtimet krahasuan cilësitë riprodhuese mes 50 meshkujve me partnere të cilat kishin përjetuar abort spontan dhe 63 meshkuj të shëndetshëm. Studiuesit zbuluan se nivelet e testosteronit dhe estradiolit, të cilat luajnë rol esencial në zhvillimin e spermës, ishin rreth 15 deri në 16 përqind më të ulëta në grupin e atyre që provuan humbjen e fëmijës. Përveç kësaj, ky grup gjithashtu kishte zvogëluar lëvizshmërinë e spermës dhe morfologjinë jonormale të saj.

Parandalimi i abortit

Përveç kësaj, studiuesit gjetën që meshkujt, partnerët e të cilëve bënin pjesë në grupin e shtatzënave të cilat kishin ndeshur me abort të përsëritur, kishin dy herë më shumë nivele të fragmentimit të ADN-së së spermës dhe katër herë më të larta nivelet e oksidantëve. Këto rezultate janë të rëndësishme sepse ADN-ja e spermës luan një rol kritik në formimin e placentës dhe gjetjet mbështesin studimet e mëparshme të cilat kanë llogaritur stresin oksidativ si një shkak të fragmentimit të ADN-së së spermës.

Rezultatet janë të rëndësishme për çiftet që përpiqen të kenë fëmijë, sepse ato tregojnë se humbja e shtatzënisë së përsëritur mund të parandalohet më mirë nëse partnerët meshkuj testohen dhe trajtohen për nivele të ulëta të hormoneve riprodhuese dhe nivele të larta oksidimi.

Lexo edhe: Jam mbipeshe, a kam rrezik te larte te abortoj?