Në qoftë se viti 2017 ishte viti i flokëve me ngjyra agresive, që binin në sy dhe mbizotëronin bjondet, 2018 sjell tendenca të reja përsa i përket stilimit, prerjes dhe ngjyrës së flokëve. Me pak fjalë specialistët e fushës e konsiderojnë vitin 2017 si vitin e ndryshimeve të guximshme.

Duke marrë parasysh tendencat e 4-5 viteve të fundit, flokët e pjesës më të madhe të grave janë të ashpra, të dëmtuara nga eksperimentet e shumta. Kështu këtë vit tendenca është për flokë më të shkrutër, që stimulon edhe rritjen e shëndetshme dhe në mënyrë të njëtrajtshme të tyre.

“Për shkak të teknikave më agresive të ngjyrave gjatë katër viteve të fundit, të tilla si ombre, flokët janë të brishtë dhe me maja të dëmtuara”, – shprehet një stilist me famë botërore.

Sidoqoftë, nëse nuk jeni të gatshëm për të prerë flokët e dëmtuar, ai sugjeron të merrni suplemente vitaminash për t’i ushqyer.

“Trendet për vitin 2018 do të përqëndrohen në rritjen e bukurisë natyrore. Ndërsa largohemi nga ngjyrat agresive të flokëve, do të përqëndrohemi tek përzierja më natyrale, duke përdorur teknika që sjellin një bjonde graduale, në vend të ndryshimit të menjëhershëm të viteve të kaluara”.

Bjondet në nuancë mjalti do të jeni trendy i këtij viti.

Përsa i përket prerjeve do të mbizotërojnë ato të drejta, qoftë në flokë të gjatë, qoftë në flokë të shkurtër. Kjo do ta bëjë flokun e dëmtuar të duket më i shëndetshëm dhe më i rigjeneruar dhe do të eleminojë këputjet e dukshme të flokut.

Kështu, floku do të ngjajë më i plotë dhe me më shumë volum.

Nëse gjatë këtyre viteve flokët janë lyer shumë shpesh, pasi diferenca me rrënjën bënte kontrast të dukshëm, këtë sezon kjo është diçka që do të preferohet dhe do të mbizotërojë. Nuk do t’ju duhet të shkoni shpesh në parukeri për të lyer rrënjën sa herë flokët të rriten pak centimetër, sepse rrënja natyrale do të jetë në modë, pavarësisht se do të bëjë diferencë me pjesën e gjatësisë së flokut.

Klientet e salloneve më me zë në botë po largohen nga ngjyrat bjonde dhe gjithnjë e më shumë po drejtohen tek ngjyrat e errëta.

Stilet asimetrike me shumë ngjyra të gjalla gjithashtu do të jenë të pranishme këtë sezon. Një prerje asimetrike është e gjatë në njërën anë dhe më e shkurtër në anën tjetër.

Por, një prerje e tillë kërkon angazhim dhe mirëmbajtje, prandaj përpara se të vendosni ta bëni, duhet të ndani mendjen për t’i kushtuar kohën dhe paratë e nevojshme për ta mbajtur këtë model në top formë.

Lëvizshmëria gjinore do të jetë gjithashtu shumë e përhapur këtë vit. Nëse stili i barbit me flokë shumë të gjatë e femërore nuk është modeli ku gjen veten, prerjet e shkurtra të konsideruara “burrërore” do të jenë shpëtimi yt për këtë sezon.

Edhe realizimi i ngjyrave, shpjegojnë ekspertët, do të bëhet duke përzierë shumë nuanca për të arritur në një rezultat mahnitës në fund.

Lexo edhe: Floket gjate shtatzanise

Sorry, there are no polls available at the moment.
')}