Temperatura e parë e lartë e fëmijës është diçka që i shqetëson shumë prindërit, kjo pasi shpesh ata ndihen të papërgatitur para gjendjes fizike që paraqet fëmija.
Kur shfaqet temperatura e parë e lartë tek fëmija?
Ajo shfaqet kryesisht gjatë vitit të parë të jetës dhe shpesh ndodh edhe në të njëjtën kohë kur fëmija fillon të shkojë në park, çerdhe, pishinë etj. Arsyet janë të shumta, por në përgjithësi shfaqet si një reagim i organizmit kur sulmohet nga bakterie apo viruse, në mënyrë që të vështirësojë zhvillimin e tyre. Pra është diçka tepër normale.
Si duhet të veprojmë?
Do t’ju këshillonim të përdornit një medikament (paracetamol) nëse temperatura do të jetë mbi 38 gradë. Gjithashtu duhet ta bëni fëmijën të pijë sa më shumë lëngje, për shembull ujë, çaj, lëngje frutash etj, të cilat duhet të merren në sasi edhe më të mëdha nëse fëmija djersin shumë, vjell apo ka diarre. Duhet të evitoni veshjen trashë të fëmijës si edhe nuk duhet ta detyroni të hajë nëse nuk ka dëshirë. I ofroni atij ushqime të lehta dhe kryesisht supë.

Lexoni edhe: Si te ulim temperaturen tek femijet?