Jason Kneen është babai i një vajze të vogël me sindromën Down. Pak ditë më parë ai shpërndau në Twitter disa foto të së bijës, të cilat bënë shumë shpejt xhiron e rrjetit.

Pasi fotot shumë të këndshme u bënë virale në internet, babai vendosi të gërmojë pak më thellë në anën personale të përvojës së familjes së tij.

“Unë nuk isha krejtësisht gati për një fëmijë si Rosie”, pranon ai. “Ishte një tronditje kur ajo ka lindur dhe unë kam turp të them se nuk e kam pritur mirë fillimisht.”

Ai u mbingarkua nga sasia e informacionit nga mjekët, broshurat duke i thënë çfarë nuk shkonte dhe çfarë do të vazhdonte të mos shkonte.

“Është shkatërruese të dëgjosh se si jeta e fëmijës tënd tashmë është parashikuar dhe është hartuar. Të gjithë fëmijët janë të ndryshëm, si mundet dikush të parashikojë të ardhmen e tyre? “- pyet babai.

“Shpejt, kuptova se çdo fëmijë mund të jetë i ngadalshëm në të folur, i ngadaltë për të ecur, të ketë vështirësi në mësim, dhe çdo fëmijë mund të jetë i shkëlqyer dhe i mrekullueshëm”.

Pavarësisht nga mesazhi fuqizues i Kneen, ka ende disa njerëz në botë që e kanë të vështirë t’i pranojnë fëmijët me çrregullime gjenetike. Për ta, babai ka vetëm një gjë për të thënë: “Rosie do të jetë një milion herë më shumë humane kur të rritet sesa ju”.

Lexo edhe: Te jesh modele me sindromen Down