Fantazia e fëmijës suaj tre vjeçar do ta ndihmojë atë të provojë dhe përdorë mjete dhe situata në një fushë të gjerë emocionesh, nga dashuria dhe varësia tek inati, protestimi dhe loja. Ai jo vetëm që do të marrë identitete të ndryshme, por gjithashtu do t’i caktojë cilësi jete dhe emocione sendeve pa jetë, si pemëve, një orë, një kamioni apo hënës. Pyeteni për shembull pse del hëna natën dhe ai mund të përgjigjet “për të më përshëndetur mua”. Me kalimin e kohës, mund të prisni që fëmija juaj t’ju prezantojë me ndonjë nga miqtë e tij imagjinarë.

Aftësitë kryesore fizike dhe emocionale të kësaj moshe

⦁ Imagjinoni që shumë imazhe jo të njohura për të, mund të jenë “përbindësha”.
⦁ E shikon veten si një person i tërë, duke përfshirë trupin, mendjen dhe ndjenjat.
⦁ Shpesh nuk dallon fantazinë nga realiteti.
⦁ Arrin të lajë mirë, në mënyrë të pavarur, duart dhe fytyrën.
⦁ Flet lirshëm me të huajt.
⦁ Vishet dhe zhvishet vetë, pa ndihmën e prindërve.
⦁ I zgjedh vetë shokët e tij. Në këtë moshë fëmija luan në grup, zbavitet duke luajtur me shokët.
⦁ Fëmijët e kësaj moshe pëlqejnë të luajnë me rërë dhe ujë, me makina “garash”, me kukulla. Pëlqejnë të krijojnë një vend imagjinar, për shembull “shtëpia e kukullës”, “pista e garës” për të zhvilluar lojërat e tyre. Bëni kujdes, mos e qortoni fëmijën vazhdimisht se i bëri rrobat pis, mos i thoni: “Unë mezor t’i lava!”. Fëmijët gjatë lojës duhet të ndihen të lirshëm për të luajtur me dhe, baltë, rërë dhe ujë.
⦁ Mund të rrijë pa praninë e nënës, nëse mjedisi është dashamirës dhe me fëmijë të tjerë.
⦁ Fëmija nis të shikojë ëndrra të frikshme, të cilat arrin edhe t’i tregojë. Nëse e dëgjon me vëmendje, ëndrrat e tij tregojnë për shqetësimet që ka gjatë ditës në marrëdhëniet me prindërit dhe familjen. Ndonjëherë qetësimi i tij është i vështirë dhe bëhet agresiv. Por prindi duhet të ketë pak durim, pasi fëmija (me gjithë kundërshtimin), në të vërtetë kërkon ngushëllimin dhe praninë e prindit.
⦁ Krijon lidhje emocionale me të rritur dhe fëmijë jashtë rrethit familjar.
⦁ Fëmija në këtë moshë mëson lehtësisht gjëra të reja.
⦁ Ka aftësinë të dëgjojë, këndojë dhe lëvizë me ritmin e një melodie të thjeshtë.
⦁ Shpesh sjellja e fëmijës në këtë moshë imiton të rriturit. Nëse prindërit janë të dhunshëm me të, ai luan në mënyrë të dhunshme me lodrat, rreh kukullat dhe moshatarët: “Po bëj si mami… “, “Po bëj si babi..” etj.

Lexoni dhe:Zhvillimi social i nje femije 3-4 vjecar 

')}