Keni një vogëlush të ëmbël 9 muajsh në shtëpi? Këtu, ne po ju japim oraret më të zakonshme të fëmijëve 9-muajsh, duke përfshirë ushqyerjen me qumësht (për foshnjat që ushqehen me gji dhe me formulë) ushqimet e ngurta, dremitjet dhe gjumin e natës.

Gjumi dhe zhvillimi i fëmijës 9 muajsh

Në këtë moshë, shumica e fëmijëve 9-muajsh mund të flenë gjithë natën pa u ushqyer dhe të bëjnë dy dremitje. Megjithatë, disa fëmijë, janë më mirë me një ushqyerje pas orës 4 ose 5 të mëngjesit, dhe më pas do të flenë më gjatë sesa nëse nuk hanë dhe zgjohen herët. Megjithatë, secili rast është specifik. Fëmija juaj 9 muajsh duhet të bëjë 2 dremitje në ditë për një total prej rreth 2-3 orë në ditë plus 11-12 orë gjatë natës.

Për sa dremitje ka nevojë një fëmijë 9 muajsh?

Shumica e foshnjave 9 muajshe bëjnë 2 dremitje çdo ditë që gjithsej janë 2 deri në 3 orë. Çdo dremitje zgjat zakonisht një orë. Foshnjat e kësaj moshe qëndrojnë zgjuar dhe kanë dritare zgjimi ndërmjet 2 dhe 3 orë rresht, mesatarisht, por deri në 4 orë para gjumit. Shumica e foshnjave nuk e bëjnë më dremitjen e tretë në moshën 9 muajshe.

Megjithatë, për këshilla më specifike mund të drejtoni pyetjen për pediatren tonë në rubrikën diskutimet.

Ushqyerja e foshnjës 9 muajshe

Sasitë ditore:

• Të paktën 3-4 seanca gjidhënie në ditë ose formulë 770-950 ml ose kombinim të të dyjave
• 2 racione (1 racion = 1-2 lugë gjelle të thata) drithëra për bebe
• 1-2 racione drithëra të plota
• 2 racione (1 racion = 2-4 lugë gjelle) fruta
• 2 racione (1 racion = 2-4 lugë gjelle) perime
• 2-3 racione (1 racion = 1-2 lugë gjelle) proteina
• 1 racion bulmet (1 racion = 1/2 filxhan kos, 1/3 filxhan gjizë ose djathë të grirë)
• Ju gjithashtu mund të ofroni të verdhë veze të gatuar (por ndoshta jo të bardha veze deri në moshën 12 muajshe për shkak të alergeneve – konsultohuni me mjekun tuaj)

Programi 1

7:00 – Zgjimi dhe qumështi i gjirit ose formula

9:00 – Mëngjesi

10:00 – Dremitja e mëngjesit (të paktën 1 orë)

11:00 – Qumësht gjiri ose formulë

1:00 – Dreka

2:00 – Gjumi i hershëm i pasdites (të paktën 1 orë)

3:00 – Qumështi i gjirit ose formulë

5:00 – Darka

6:15 – Filloni rutinën para gjumit

7:00 – Qumështi i gjirit ose formula dhe vënia në gjumië

Programi 2

7:00 – Zgjimi, 1/2 qumështi i gjirit / formulë, dhe vakti i mëngjesit

10:00 – Gjumi i mëngjesit (të paktën 1 orë)

11:00 – 1/2 qumësht gjiri/formulë, dhe vakti i drekës

2:00 – Gjumi i pasdites (të paktën 1 orë)

3:00 – Qumësht gjiri ose formulë plus një mesvakt

5:00 – Darka dhe 1/2 qumësht gjiri / formulë

6:15 – Filloni rutinën para gjumit

7:00 – Pak qumësht gjiri/formula dhe orari i gjumit

Lexo edhe: Oraret e gjumit dhe ushqyerjes së bebit 10 muajsh