Mishi është një ushqim me shumë vlera. Ai përmban në veçanti hekur, zink dhe vitaminë B së bashku me proteina.
Disa fëmijë refuzojnë të hanë mish për shkak se nuk iu pëlqen të përtypin mish të fortë. Shumica e fëmijëve preferojnë mish pule, sepse është më i butë.
Megjithatë, mishi i qengjit, viçit dhe i derrit janë më të pasur me hekur, prandaj jepini fëmijës mish, i cili duhet të jetë sa më i butë. Shmangni varietetet më të lira që zakonisht kanë më shumë yndyrë dhe për këtë arsye me më pak vlera ushqyese.
Nëse fëmija juaj refuzon çdo lloj mishi, mund të jetë për shkak të aromës. Vazhdoni të tentoni t’ja jepni në sasi të vogla dhe kur të mësohet me shijen, do të hajë sasi më të mëdha.
Ushqime të tjera në të njëjtin grup ushqimor si mishi janë peshqit, vezët, arrat dhe bishtajoret. Këto përmbajnë të njëjtat vlera ushqyese, por kanë më pak hekur sesa mishi.
Nëse i ofroni këto ushqime në vend të mishit, jepini ushqime të pasura me vitaminë C, sepse kjo do të ndihmojë fëmijën tuaj të absorbojë më shumë hekurin që përmban.
Ushqime të larta me vitaminë C përfshijnë agrume, kivi, luleshtrydhe, domate dhe patate.
Lexo edhe: A ka nevoje per hekur femija im?
Për të lënë një koment ju duhet të jeni regjistruar Identifikohu