Si t’i ndihmojme femijet te mesojne ngjyrat?

0 0

Njohja e ngjyrave është një aftësi e rëndësishme. Njerëzit i përdorin shpesh ngjyrat për të përshkruar sende. Për shembull, një person që jep udhëzime mund të thotë: “kthehu në të majtë, pas shtëpisë së verdhë”. Shenjat e trafikut janë me ngjyra, tabelat që mbajnë emrat e rrugëve janë me ngjyra.
Fëmijët gjithashtu duhet të kuptojnë edhe mënyrën se si kombinohen më bukur dhe më me shije ngjyrat. Kjo do t’i ndihmojë të vishen me llojet e rrobave që shkojnë së bashku, si dhe për të vizatuar dicka.
Ngjyrat janë të bukura, por ato gjithashtu na japin edhe informacione të ndryshme, për shembull shoferët duhet të ndalojnë kur shikojnë tabelën ose dritën e kuqe. Ngjyrat na tregojnë edhe kur ushqimet janë të prishura. Kur shikojmë një cope buke me ngjyrë gri, kuptojmë që nuk duhet ta hamë atë. Shenjat e kuqe në trup u tregojnë prindërve dhe kujdestarëve që fëmija është i sëmurë.
Ngjyrat na ndihmojnë gjithashtu të zgjidhim probleme. Për shembull, një doktor mund të pyesë për ngjyrën e lëkurës së fëmijës: “Është blu? Është e verdhë e hapur? Është e kuqe?”. Përgjigja ndaj këtyre pyetjeve do të sqarojë problemin. Ngjyrat gjithashtu mund të tregojnë nëse ka një problem, për shembull si është qielli? Do të bjerë shi? Përgjigjet për këto pyetje do t’ju tregojnë sesi duhet të visheni dhe të përgatiteni për ditën.
Aktivitete për fëmijët për të mësuar ngjyrat
– Përdorni stinët për të mësuar më lehtë ngjyrat, e bardha në dimër, e verdha dhe portokallia në vjeshtë, jeshilja në pranverë etj.
– Përdorni kuti, letra, kuba dhe lapsa me ngjyra, për të ndihmuar fëmijët të mësojnë të emërojnë ngjyrat e ndryshme.
– Kërkojini fëmijës t`ju tregojë me gisht sende të ndryshëm që përfaqësojnë ngjyra të veçanta, si për shembull e gjelbra. Më pas pyesni nëse libri është i gjelbër, ose nëse lapsi është i gjelbër. I tregoni ngjyrat, ndërkohë që jeni duke udhëtuar me makinë, duke shëtitur jashtë shtëpisë.
– Zgjidhni një ngjyrë për çdo ditë të javës. Bëni projekte dhe lexoni libra për atë ngjyrë. Kërkoni fëmijës t’jua tregojë këtë ngjyrë kur dilni shëtitje, apo jeni në një dyqan.
– A keni ndonjë të afërm, mikun tuaj që merret me ngjyrat në një mënyrë të veçantë (piktor, dizenjator, bojaxhi)? Kërkojini këtij personi që të flasë për punën e vet me fëmijën tuaj.

Lexoni dhe: Kur dhe si ta mësoj fëmijën të shkruajë?






Për të lënë një koment ju duhet të jeni regjistruar Identifikohu



Materiale te ngjashme

Agjeneza dentare një problem jo...

Kur bëhet fjalë për çrregullimet dentare tek fëmijët, menjëherë mendohet për prishjen e dhëmbëve. Por ky nuk është problemi i vetëm i zakonshëm gjatë fëmijërisë (dhe moshës së maturuar). Ekziston...

5  arsye  përse deti është...

Këtu janë 5 arsye pse sjellja e fëmijëve tuaj në det është e mirë për ta: Uji i kripur i detit është një tonik për traktin respirator, për lëkurën e...

Rriten rastet e diabetit te...

Etje e tepërt, humbje peshe ndërsa vazhdoni të hani normalisht, sasi e shtuar urine: këto nuk janë simptoma për t’u nënvlerësuar, sepse ato mund të jenë shenja të një sëmundjeje...

Muzika, edhe në distancë ndihmon...

Efektet e dobishme të muzikës në trup dhe mendje nuk janë asgjë e re: tingulli stimulon aktivitetin nervor dhe njohës, ndihmon relaksimin, përmirëson gjendjen shpirtërore. Për këtë arsye, ajo është...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X