Zakonisht fëmijët kanë një “urrejtje” ndaj perimeve, por kur flasim në lidhje me fëmijët selektivë ata kanë një tendencë të refuzojnë të gjithë llojet e ushqimit. Kjo është normale tek fëmijët e vegjël.

Atëherë si duhet të veprojmë?

Gjatë zhvillimit të ushqyerjes së fëmijës ekzistojnë dy momente kritike. Faza e parë, gjatë vitit të parë dhe të dytë të jetës, kur fëmija fillon të ulet në tavolinë me të rriturit dhe në këtë moment disa ushqime i pranon dhe disa jo. Si edhe faza e dytë mes vitit të dytë dhe të katërt të jetës, fazë në të cilën fëmija thotë shpesh “jo” për shumë ushqime edhe pse deri një ditë më parë mund t’i kishte konsumuar pa problem.

Rrëziku, shqetësime të hershme në ushqyerje

Edhe pse refuzimi i disa ushqimeve mund të quhet normal dhe në përgjithësi kapërcehet, në raste të tjera kjo gjendje mund të provokojë edhe shqetësime në ushqyerje. Zakonisht ndodh kur nuk menaxhohet në mënyrën e duhur ky refuzim. Në rastet më të rënda mund të kalohet në anoreksi fëmijënore prandaj nuk duhet të nënvlerësoni peshën e vogël trupore, ngadalësimin në rritje. Nuk duhet të anashkalojmë as rastet kur fëmija shton shumë në peshë nëse ha vetëm bukë, biskota, makarona (ka fëmië që refuzojnë të gjitha ushqimet e tjera duke preferuar vetëm këto). Në këtë rast do të jetë i predispozuar për obezitet.

Zakonisht fëmija refuzon një ushqim të caktuar pasi ka pasur njëherë një eksperiencë të keqe me të, për shembull e ka provuar kur ka qënë me temperaturë, ka pasur refluks pasi e ka ngrënë, e ka provuar gjatë një periudhe që kanë qënë duke përjetuar një ndryshim të madh (gjatë një shpërngulje me shtëpi, kur ka shkuar në kopësht, në momentin kur ka ardhur në jetë një fëmijë tjetër). Gjithashtu refuzimi lidhet edhe me frikën se mos bëhet pis, pasi është qortuar njëherë dhe tashmë mund të shfaqë frikë edhe për të prekur ushqimin. Në këtë pikë duhet të riktheheni edhe njëherë nga e para dhe ta bëni të përjetojë një eksperiencë pozitive. Ai duhet të lejohet të eksperimentojë me ushqimin, ta prekë me dorë dhë të hajë vetë. Tavolina duhet të ketë ushqime me ngjyra të ndryshme në mënyrë që atij t’i pëlqejë pamja e asaj që do të hajë. Fëmija duhet të lejohet edhe të eksperimentojë në kuzhinë dhe madje t’ju ndihmojë nëse ka moshën e duhur. Në rast se problemi është tepër serioz mund të flisni me mjekun pediatër.

Lexo edhe:

Vlerat dhe perdorimi i fasuleve tek femijet

 

')}