Ekzistojnë shumë faktorë që kontribuojnë në rritjen e shpejtë të flokëve (ose mungesa e tyre), por një nga më të anashkaluarit është stimulimi fizik si masazhimi i skalpit të kokës.
Disa mënyra për të stimuluar rritjen e flokëve
Stimuloni rritjen e flokëve me një masazh të skalpit
Ne harxhojmë shumë kohë dhe para me produkte për flokët, pa harruar se rritja fillon nga rrënja. Një mënyrë e thjeshtë për të stimuluar rritjen e flokëve në shtëpi është të bëni një masazh në skalpin e kokës. Kjo do të rrisë rrjedhën e gjakut në lëkurën e kokës, do të forcojë rrënjën dhe do t’i ndihmojë lëndët ushqyese të shkojnë më shpejt ku duhet. Ju mund të masazhoni kokën me flokë të thatë, por shtimi i një vaji të pasur me lëndë ushqyese do të dyfishojë përfitimet. Vaji i rozmarinës, në veçanti, është përdorur ndër shekuj për të stimuluar rritjen e flokëve.
Parandaloni këputjen e flokëve me një maskë me të verdhë veze
Mesatarisht, flokët rriten rreth 1.2 cm në muaj, por mënyra se si i trajtoni flokët tuaj përcakton se sa prej tyre do të mbani. Nëse flokët tuaj këputen para se të kalojnë shpatullat, një maskë me vezë do të jetë shpëtimi juaj. Vezët përmbajnë lecitin dhe proteina, të cilat forcojnë, ushqejnë dhe riparojnë majat e flokëve tuaj. Plus, përmbajtja e tyre e lartë e squfurit madje mund të ndihmojë problemin tuaj të bezdisshëm me zbokthin.
Për të bërë maskën, përzieni dy vezë me dy lugë vaj ulliri. Nëse ngjitja ju shqetëson, mund të shtoni gjysmë gote ujë për të holluar përzierjen. Aplikojeni maskën direkt në flokë të thatë dhe të krehur, dhe lëreni të qëndrojë deri në 30 minuta. Pastaj, lajeni si zakonisht.
Stimuloni rritjen e flokëve me vaj kastori
Vaji i kastorit ka veti antifungale dhe antibakteriale për të ndihmuar në luftimin e infeksioneve të kokës që parandalojnë rritjen e flokëve tuaj. Së dyti, është i mbushur me acide yndyrore omega-6, vitaminë E, proteina dhe lëndë ushqyese të tjera që mund të depërtojnë në flokë për të mbajtur lagështinë. Së treti, masazhi ndihmon shumë rritjen e flokëve.
Zëvendësoni suplementet me yndyrat e shëndetshme
Vitaminat dhe mineralet që ndodhin natyrisht në ushqime janë më të lehta për trupin tuaj për t’u absorbuar dhe ato japin një raport më të shëndetshëm të lëndëve ushqyese. Sipas dietologes Meryl Pritchard, marrja e shumë yndyrave të shëndetshme si omega-3 mund të stimulojë rritjen e flokëve. “Yndyrat e shëndetshme janë thelbësore për shëndetin e flokëve pasi trupat tanë nuk mund të prodhojnë acide yndyrore omega-3 vetë. Prandaj, është e rëndësishme t’i merrni këto yndyrna përmes dietës”,- thotë ajo.
Kufizoni përdorimin e produkteve me nxehtësi si pjastra
Ju ndoshta e dini këtë tashmë. Nxehtësia e tepërt do të rezultojë në flokë të thatë, të brishtë që këputen lehtësisht, duke rezultuar në mungesë të rritjes së flokëve, kështu që përpiquni të lejoni që majat të thahen natyralisht pasi të bëni dush.
Lexo edhe: 7 maska në kushte shtëpie për flokë të yndyrshëm
Për të lënë një koment ju duhet të jeni regjistruar Identifikohu