Fjala e parë që mund t’ju themi në këtë rast është “Mos u dorëzoni!” Ai mund të fillojë të përplasë këmbët, të hedhë objekte, të qajë, dhe sjellje të tilla sipas ekspertëve përdoren nga fëmija për të tërhequr vëmendjen e prindërve në mënyë që të arrijnë të marrin atë që duan. Sipas pediatrit Italo Fernatani, i cili është njëkohësisht edhe profesor në Univeristetin e Milanos, prindërit nuk duhet të dorëzohen pasi në të kundërt e kanë “humbur luftën”.
Kjo sjellje sipas tij bëhet më frekuente duke filluar nga viti i dytë i jetës, pra fëmijët fillojnë të përdorin këto sjellje të ashpra për ta bërë prindin të dorëzohet, megjithatë nuk përjashtohet mundësia që edhe para kësaj moshe ai të ketë sjellje të tillë kur nuk i plotësohet një dëshirë. Detyra e prindërve fillimisht është të kuptojnë nëse bëhet fjalë për tekat e fëmijës apo për urinë, nevojën për t’u përkëdhelur etj.
Zakonisht janë djemtë ata që identifikohen me sjellje të tilla, por nuk ngelen mbrapa as vajzat edhe pse kanë episode më të rralla. Këta konsiderohen fëmijë tepër inteligjentë pasi që në moshë të hershme përpiqen t’ju imponojnë prindërve atë që duan të ndodhë.
Si duhet të veprojnë prindërit?
- Duhet të kenë mirë të qartë brenda vetes se cilat janë ato gjëra që do t’i lejojnë dhe cilat jo;
- Duhet të tregohen shumë të vendosur kur thonë “jo” pasi fëmija është në gjendje të kuptojë të gjitha “dobësitë”;
- Nuk duhet të alternojnë sjelljen e tyre, pra nuk duhet të bëjnë shpesh lëshime në lidhje me një rregull të vendosur vetëm sepse nuk durojnë dot sjelljen e ashpër të fëmijës;
- Respektoni oraret e fëmijës, sidomos atë të gjumit dhe ushqimit në mënyrë që të jetë më i qetë;
- Duhet të silleni njësoj si në shtëpi edhe nëse fillon të bërtasë në publik;
- Mos vendosni rregulla në lidhje me të gjitha gjërat. Mësoni të vlerësoni ato më të rëndësishmet.
- Tregohuni gjithmonë të qetë para sjelljes së tij. Kjo sipas mjekut është “arma” më e mirë për të luftuar tekat.
Si veproni në momentin që fëmija juaj është duke bërtitur apo qarë pasi nuk i është plotesuar një dëshirë? Cila do të ishte këshilla juaj për nënat e tjera?
Lexo edhe:
7 pergjigjet qe do ta bejne femijen te heqe dore nga kapriciot
Cdo gje do te shkoje mire, ndonjehere kemi nevoje vetem per kaq!
')}
Për të lënë një koment ju duhet të jeni regjistruar Identifikohu