Keni parë shumë shpesh në restorante supë krem pule dhe keni tentuar ta përgatisni në shtëpi, por asnjëherë s’ju ka dalë masa aq kremoze dhe keni menduar se shefat e kuzhinës kanë një sekret sa i përket mjeshtërisë së realizimit të asaj mase kremoze, pa fruluar asnjë perim?

Po ua tregojmë si të përgatisni lehtë, shpejt dhe me saktësi një supë krem pule:

Përbërësit:

• 2 copa fileto pule;
• 2 lugë gjelle me miell;
• 1 gotë kos;
• 1 kokërr vezë;
• gjalpë;
• vaj;
• piper i zi;
• piper i kuq;
• limon.

Përgatitja:

E presim fileton e pulës në kubikë dhe e skuqim në tigan me pak vaj e pak gjalpë. E lëmë të skuqet mirë derisa të thekërriset, shtojmë dhe erëzat ndërkohë. Pasi janë skuqur mirë i mbulojmë me pak ujë dhe i lëmë të ziejnë.

Ndërkohë, në një tas rrahim të verdhën e vezës, shtojmë miell pa ndërprerë rrahjen e në fund kos.

Kjo masë duhet të jetë kremoze dhe e trashë, jo e lëngshme dhe e hollë.

Kur shohim se filetot kanë përfunduar së zieri, shtojmë masën kremoze në lëngun e tyre.

Mund t’i shtoni edhe limon sipas dëshirës.

Sapo realizuat një supë krem pule. Ju bëftë mirë!

Lexo edhe: Si të gatuajmë supë me karotë?