Fëmija juaj tështin vazhdimisht dhe ankohet se ndihet i lodhur? Duhet të keni kudo me vete një shami pasi ai ka rrufë të vazhdueshme? Ndodhin këto gjithmonë sapo ngrohet apo bëhet moti i lagësht? Nëse të gjitha përgjigjet ishin pozitive atëherë me siguri fëmija juaj vuan nga riniti alergjik, megjithatë këtë e diagnostikon vetëm mjeku!
Kur shfaqet temperatura nga riniti alergjik?
Në rast riniti alergjik, fëmijës mund t’i shkaktohet temperaturë dhe kjo gjendje mund të shkaktohet nga pluhurat, poleni i luleve, myku etj. Kjo mund të ndodhë zakonisht në stinën e verës dhe në stinën e vjeshtës nëse shkaktohet nga pemët dhe lulet, dhe nëse shkaktohet nga pluhurat mund të zgjasë përgjatë gjithë dimrit. Gjithashtu në disa raste mund të shfaqet edhe në stinën e dimrit nëse në ambient mund të rritet myku. Por kjo temperaturë mund të shfaqet edhe nëse fëmija vuan nga astma.
Si ta njohim temperaturën e shkaktuar nga riniti alergjik?
Fëmijës mund ti shkaktohet temperaturë gjatë një alergjie dhe zakonisht ajo shoqërohet me rrufë dhe sy të kuq. Kjo mund të shfaqet më tepër tek fëmijët që e kanë të trashëguar alergjinë si edhe ata që janë të ekspozuar ndaj tymit pasiv, madje edhe tek fëmijët që janë alergjikë ndaj qumështit të lopës.
Shenjat dalluese të temperaturës së alergjisë janë:
- Sytë e kuq dhe që lotojnë;
- Lëkurë e skuqur dhe në disa raste me ekzema;
- Skuqje edhe tek zona e veshëve;
- Kollë e thatë;
- Bllokim në kraharor;
- Hundë që kullon.
Prindërit duhet të flasin me mjekun dhe ai mund të përcaktojë një trajtim paraprak në momentin që stina e alergjive do të jetë duke filluar, pra si një formë për ta mbajtur nën kontroll alergjinë në mënyrë që të mos shkaktojë edhe temperaturë tek fëmija.
Lexoni edhe: Temperatura tek femijet, ja cfare duhet te dini
')}
Për të lënë një koment ju duhet të jeni regjistruar Identifikohu