Ndotësit mjedisorë në shtëpinë tonë dhe dietat kanë të njëjtat efekte të dëmshme për fertilitetin mashkullor si tek qentë edhe tek njerëzit, sugjeron një studim i ri i kryer nga Universiteti i Nottingham.

Ndotësit mjedisorë janë ato kimikate që aksidentalisht ose qëllimisht hyjnë në mjedis, shpesh si rezultat i aktiviteteve njerëzore.

Hulumtuesit e Nottinghamit dëshironin të testonin efektet e dy kimikateve specifike të njeriut: DEHP, e cila gjendet në qilima, dysheme, tapiceri, rroba, tela, lodra etj. Dhe bifenil të poliklorinuar 153, i cili megjithëse është i ndaluar globalisht, mbetet gjerësisht i përdorur, duke u përfshirë edhe në ushqime.

Ata kryen eksperimente identike duke përdorur mostrat e spermës nga burrat dhe qentë donatorë që jetonin në të njëjtin rajon të Britanisë së Madhe, dhe arritën në përfundimin se kimikatet kanë të njëjtin efekt dëmtues mbi spermatozoidin te meshkujt dhe qentë.

“Ky studim i ri mbështet teorinë tonë se qeni i shtëpisë është me të vërtetë një pasqyrë për rënien riprodhuese të burrave dhe gjetjet tona sugjerojnë se kimikatet e prodhuara nga njerëzit që janë përdorur gjerësisht në mjedisin e shtëpisë dhe të punës mund të jenë përgjegjëse për rënien në cilësinë e spermës”, thotë udhëheqësi i studimit Richard Lea.

Studimet e mëparshme nga Nottingham kishin gjetur një lidhje mes kimikateve moderne në shtëpi dhe normave të fertilitetit tek qentë. Por ky dokument i ri tregon se mund të ketë një lidhje midis kafshëve shtëpiake dhe pronarëve të tyre meshkuj.

“Ne e dimë se kur lëvizshmëria e spermës njerëzore është e dobët, fragmentimi i ADN-së rritet dhe se infertiliteti mashkullor është i lidhur me rritjen e nivelit të dëmtimit të ADN-së në spermatozoid. Tani besojmë se është e njëjta gjë tek qentë sepse jetojnë në të njëjtin mjedis të brendshëm dhe janë të ekspozuar ndaj ndotësve të njëjtë të familjes “, thotë Rebecca Sumner, e cila gjithashtu mori pjesë në studim.

“Kjo do të thotë që qentë mund të jenë një model efektiv për hulumtimet e ardhshme në efektet e ndotësve në rënien e pjellorisë, veçanërisht për shkak se ndikimet e jashtme të tilla si dieta kontrollohen më të lehtë se sa tek njerëzit “.

Lexo edhe: Sjelljet ne adoleshnce qe demtojne pjellorine