Koha që fëmija kalon në gjumë asnjëherë nuk mund të vlerësohet si kohë e humbur sepse, vetëm gjatë gjumit ai është në gjendje të rigjenerojë forcat fizike, mendore dhe shpirtërore. Gjithashtu pushimi i mjaftueshëm i fëmijëve dhe njëkohësisht edhe i vetë prindërve, formon prindër të lumtur dhe të qenit i lumtur do të thotë prindër më të mirë e më të suksesshëm. Fëmijët mësojnë çdo ditë gjëra të reja të cilat mbingarkojnë trurin e tyre. Ata në këtë fazë zhvillimi përjetojnë “shpërthimin” gjuhësor, eksplorojnë, fantazojnë. Nga ana tjetër, kërkesa e vazhdueshme fizike për ecje, vrapim e kërcim bën që gjitha këto të shkaktojnë lodhje trupore mendore dhe emocionale tek fëmijët.
Disa nga problemet kryesore që shkakton pagjumësia tek fëmijët
- Të mësuarit dhe kujtesa. Fëmijët që flenë mjaftueshëm duket se mësojnë më shpejt se ata që janë të lodhur nga pagjumësia. Jeni përpjekur ndonjëherë ju të mësoni diçka të re kur keni qenë të lodhur? Është e vështirë. Fëmijët përvetësojnë një sasi të pafund informacioni për një periudhë të shkurtër kohore. Kjo kërkon gjumë të mjaftueshëm dhe cilësor.
- Ashtu si për të rriturit është e rrezikshme drejtimi i makinës në një gjendje pagjumësie, edhe për fëmijët është problematike lëvizja, ngjitja e zbritja e shkallëve, ngarja e biçikletës, përqendrimi për të realizuar detyrat që i kërkohen, etj, kur ai nuk ka bërë gjumin e nevojshëm.
- Ndërsa të rriturit janë më të kujdesshëm për të menaxhuar humorin e tyre kur janë të pagjumë, tek fëmijët konstatohen sjellje që shoqërohen me nervozizëm, mungesë përqendrimi deri në sjellje të çuditshme.
- Gjendja shëndetësore. Sistemi imunitar mundohet më tepër për të luftuar sëmundjet kur fëmija nuk ka pushuar sa duhet. Ekspertët kanë arritur në konkluzionin se gjumi i mjaftueshëm mund të përmirësojë sjelljet e fëmijëve dhe të zvogëlojë simptomat e çrregullimit të vëmendjes.
- Obeziteti dhe mbipesha. Studime të ndryshme kanë treguar se gjumi i pakët tek fëmijët mund të ketë një lidhje domethënëse me obezitetin.Kur ne nuk bëjmë gjumin e nevojshëm nivelet e hormonit që tregojnë se jemi të ngopur zvogëlohen, dhe kjo bën të ndihemi të uritur dhe të zëvendësojmë kohën e gjumit me atë të ngrënies.
Lexo edhe:
Ne vendet nordike femijet flejne ne akull!
')}
Për të lënë një koment ju duhet të jeni regjistruar Identifikohu