Të gjitha nënat që kalojnë një abort e kanë të vështirë ta marrin veten dhe të besojnë përsëri në një shtatzani tjetër. Por e vetmja gjë që duhet të bëni është të provoni menjëherë pasi shpresa është ajo që vdes e fundit. Por përveç të gjithave nuk është vetëm trupi që duhet të jetë gati për një shtatzani të re…
Por pas sa kohësh mund të mbetemi përsëri shtatzanë pas një aborti?
Gjinekologët në përgjithësi sugjerojnë të kalojnë 3 muaj, për të lejuar vetërregullimin e plotë të funksionit ovarian dhe për të maksimizuar gjasat për të përfunduar në një shtatzani të re dhe pa komplikime.
Organizata Botërore e Shëndetësisë e zgjat këtë periudhë pritje deri në 6 muaj.
Shkurtoni kohën
Një studim i ri, i vë në dyshim këto të dhëna duke treguar se përpjekjet paraprake jo vetëm që nuk do të ishin të rrezikshme për shëndetin e grave dhe fetusit, por rritin shanset për një shtatzani të suksesshme.
Një abort spontan do të thotë një ndërprerje e shtatzënisë, e shkaktuar nga shkaqet patologjike që përcaktojnë vdekjen e fetusit brenda ditës së 180-të të shtatzënisë.
Shkaqet mund të jenë të ndryshme: nga një predispozitë gjenetike, në një anomali të anatomisë së mitrës.
Por edhe faktorët endokrinë, infeksionet, anomalitë e plaçentës, sëmundjet e nënës, ekspozimi ndaj faktorëve toksikë ose marrja dhe përdorimi i drogës.
Studimi i 1000 çifteve
Puna, e kryer në “Institutet Kombëtare të Shëndetit Amerikan” në një mijë çifte që pësuan një abort në tremujorin e parë të shtatzanisë (kur dihet se rreziku është shumë më i lartë), donte t’u jepte përgjigje atyre që kërkojnë se sa kohë u nevojitet pas një aborti në mënyrë që mundësitë për t’ja dalë mbanë me një shtatzani të suksesshme të jenë më të larta.
Ai tregoi se në çiftet që nuk prisnin 3 muaj, probabiliteti qe te ngeleshin shtatzane apo qe te kishin nje shtatzani te sukseseshme ishte 53%, krahasuar me 36% të të tjerëve. Të dhënat tregojnë se kur aborti ndodh herët, sistemi riprodhues fillon të funksionojë pa probleme.
Duhet të ndiheni gati
Për t’iu përgjigjur pyetjes se sa kohë pas një aborti duhet të tentosh për një shtatzani, duhen marrë parasysh edhe aspektet psikologjike. Duhet një farë kohe derisa ta marrësh veten nga periudha në të cilën abortove. “Duhet të ndiheni gati”.
Studimi thekson se nuk ka arsye fiziologjike për të pritur, por nuk analizon faktorët emocionalë dhe përvojën e çiftit.
Profesor William Hurd nga “Shkolla e Mjekësisë në Universitetin e Dukës” (Shtetet e Bashkuara), kujton rëndësinë e mirëqenies psikologjike të çiftit. Ai citon disa studime që shoqërojnë një interval të shkurtër ndërmjet shtatzënive (përfshirë ndërprerjet spontane ose të detyruara) në një rrezik më të madh të ndërlikimeve të tilla si presionin e lartë të gjakut, prishjen e parakohshme të membranave, peshën e vogël të fetusit dhe lindjen e parakohshme.
Lexoni edhe: Cfare eshte nje abort dhe cfare duhet te bejme?
')}
Për të lënë një koment ju duhet të jeni regjistruar Identifikohu