Shfaqja e dashur e fëmijëve Peppa Pig po akuzohet nga zjarrfikësit në Londër se është seksiste dhe i dekurajon vajzat për t’u bërë zjarrfikëse, pasi përdor terma që i referohen vetëm gjinisë mashkullore.
Peppa Pig ndiqet nga miliona fëmijë në të gjithë botën.
Por në një nga episodet, vihet re një fëmijë që thotë “Mami Pig është veshur si zjarrfikës”. Ndërkaq, sipas zjarrfikësve, kjo është një shprehje diskriminuese, pasi termi i duhur do të ishte jo vetëm zjarrfikës, por edhe zjarrfikëse.
Megjithatë, shumica e komentuesve në Twitter nuk pajtohen me këtë qëndrim, pasi shumica e zjarrfikësve në episod janë vajza.
Nga ana tjetër një komentues thotë se nuk është Peppa Pig që bën detyrën e edukimit të fëmijëve të tij.
“Nëse vajza ime më pyet a mund të bëhet zjarrfikëse, sepse ka parë te Peppa Pig se nuk mundet, unë do t’i thoja sigurisht që mundesh, sepse jam unë që edukoj fëmijët e mi, jo shfaqjet në Youtube”, – ka shkruar komentuesi.
Lexo edhe: Pse femijet duan te shohin te njejtat gjera ne televizor, a demtohen ata?
Për të lënë një koment ju duhet të jeni regjistruar Identifikohu