Mendoni se mund të keni pësuar helmim ushqimi për shkak të ekspozimit ndaj salmonelës dhe keni merak sesi do të ndikojë në shtatzaninë dhe foshnjen tuaj? Tani që përmes jush ushqehet edhe fëmija, duhet të jeni më të vetëdijshme për gjtihçka që konsumoni.

Simptomat

Salmonela gjatë shtatzënisë në pjesën më të madhe të rasteve nuk ka ndonjë ndryshim nga gratë e prekura, që nuk janë shtatzënë.

Simptomat e saj nuk janë aspak të këndshme. Ato përfshijnë:

• Dhimbje barku;
• Diarre;
• Ethe dhe temperaturë;
• Përzierje dhe vjellje;
• Dehidratim;
• Dhimbje koke;
• Dhimbje muskujsh;
• Gjak në jashtëshqitje;

Si mund te merret salmonela?

Ka shumë të ngjarë të jeni të ekspozuara ndaj salmonelës si rezultat i ngrënies së proteinave të papërpunuara nga mishi i pulës, peshku, vezët, ose qumështi i papërpunuar.

Një tjetër mënyrë është kontakti me kafshët e prekura prej saj, prandaj duhet të lani gjithmonë duart pasi prekni kafshë.

A është e rrezikshme për gratë shtatzanë?

Sipas ekspertëve, rreziqet e salmonelës tek gratë shtatzënë janë minimale dhe nuk paraqesin ndonjë shqetësim të veçantë. Në raste shumë të rralla mund të ketë infektim të rrezikshëm të gjakut. Salmonela mund të kalojë në placentë dhe të infektojë fetusin, por kjo është gjithashtu jashtëzakonisht e rrallë.

Faktori më i madh i rrezikut është dehidratimi, gjë që është më problematike sepse uji është shumë i rëndësishëm për zhvillimin e bebit. Dehidratimi mund të shkaktojë lindjen e parakohshme dhe komplikime gjatë lindjes, prandaj duhet të pini sa më shumë ujë.

Si mund të trajtohet salmonela?

• Qëndroni e hidratuar duke pirë sa më shumë ujë dhe lëngje. Kjo është këshilla më e rëndësishme për nënat e ardhshme. Kjo mban larg rreziqet që sjell dehidratimi për ju dhe fëmijën.
• Kërkoni kujdes mjekësor. Nëse ndjeheni e pafuqishme, e zbehur dhe kjo gjendje zgjat për më shumë se 24 orë, është koha për kujdes mjekësor.

Këshilla parandaluese

Për fat të mirë, marrja e salmonelës kur jeni shtatzënë mund të shmanget lehtësisht me disa hapa të thjeshtë.

• Gatuajeni tërësisht mishin. Mishi duhet të jetë i gatuar të paktën në 160 gradë, ndërsa shpendët në 165.
• Shmangni gatimet me vezë.
• Mos hezitoni të flakni çdo ushqim që mendoni se është i pasigurtë.
• Shmanngi kontaktin fizik me kafshët.
• Shmangni ushqimet që mund të kenë kontakt me kafshët.
• Shmangi djathin ose qumështin e pa pasterizuar.
• Lani duart shpesh me sapun dhe me ujë të ngrohtë.
• Mbani dorashka kur kryeni punë të ndryshme.
• Lajeni dhe ndërrojeni shpesh sfungjerin e enëve.
• Sigurohuni që të pastroni sipërfaqet e gatimit pas përdorimit të tyre.
• Lani të gjitha frutat dhe perimet.
• Shmangni vendet që nuk kanë higjienë të mirë.

Lexo edhe: Semundjet autoimune dhe shtatzania

Sorry, there are no polls available at the moment.

')}