Që domatja është një ushqim jashtëzakonisht i dobishëm për trupin tonë, dihet prej kohësh. Tani vjen konfirmimi se edhe salca e gatuar e domates është e mirë, sidomos për zorrët. Ky është rezultati i një hulumtimi të kryer nga një ekip i studiuesve spanjollë nga Universitat Politècnica de València, botuar në Journal of Foods Functional.

Domatja është shumë e vlerësuar nga mjekët sepse është shumë e pasur me likopen, një substancë me cilësi të shumëfishta, e dobishme për luftimin e plakjes dhe gjithashtu në luftën kundër llojeve të ndryshme të kancerit. Por jo vetëm. Sipas një studimi të kohëve të fundit, likopeni gjithashtu mbron lëkurën nga rrezet e dëmshme ultravjollcë.

Gjithashtu mund të rrisë nivelet e prokolagjenit, një molekulë që ndihmon lëkurën për të ruajtur strukturat e saj dhe vonon procesin e degjenerimit.

Përfitimet nga salca e domates

Shkencëtarët spanjollë janë përpjekur të shqyrtojnë lidhjen që ekziston midis likopenit dhe antioksidantëve të tjerë në domate, në ribalancimin e mikrobiotikës së zorrëve, duke rritur numrin e baktereve të mirë dhe duke zvogëluar ato të këqija. Ata kryen një seri eksperimentesh, gjatë së cilave zbuluan se substancat e pranishme në salcën e domates mbrojnë proiotikët dhe nuk lejojnë të humbasin vitalitetin e tyre gjatë procesit të tretjes.

Jo vetëm kaq: ata gjithashtu vunë re se efektet janë më të mëdha në qoftë se salca është e gatuar.

Për të marrë maksimumin e përfitimeve të domates, është mirë të alternoni llojet e ndryshme të pjatave dhe llojeve të gatimit: hani perime të papërpunuara, por edhe salcat e domates së gatuar.

Lexo edhe: A mund te hame domate gjate shtatzanise?

Sorry, there are no polls available at the moment.

')}