Shtatzania është një periudhë në të cilën jo vetëm që duhet të kujdeseni që të hani siç duhet, por gjithashtu duhet të siguroheni të jeni të hidratuara gjatë gjithë kohës. Uji është i nevojshëm për të patur një jetë të shëndetshme e për të qëndruar në formë. Një njëri duhet të pijë mesatarisht 8 gota uji në ditë.
Po në shtatzani, sa uji duhet të pimë?
Gjatë shtatzanisë dieta juaj e rregullt do të ndryshojë, e njëjta gjë do të ndodhë dhe me konsumin e përditshëm të ujit. Gjatë shtatzanisë një grua ka nevojë për 10 deri në 12 gota uji në ditë. Kjo ndodhë për shkak se ju duhet të plotësoni edhe nevojat e fetusit që po zhvillohet brenda jush.
Por përveç hidratimit, konsumi i mjaftueshëm i ujit në shtatzani ka edhe disa përfitime të tjerë si:
- Ndihmon në furnizimin e bebit me ushqim.
Uji shërben si mjet transportimi për të furnizuar bebin me lëndë ushqyese ndaj konsumi i ujit në sasinë e duhur është i rëndësishëm.
- Ndihmon në nxjerrjen jashtë të mbetjeve.
Gjatë shtatzanisë do ta gjeni shpesh veten duke vrapuar për në tualet, ndaj është e rendësishme të qëndroni të hidratuara në mënyrë që trupi juaj të ketë mundësi të nxjerrë të gjitha mbetjet e panevojshme nga trupi.
- Ju ndihmon të ulni temperaturën e trupit.
Temperatura e trupit mund të rritet shumë shpejt në shtatzani. Kjo gjë mund të jetë vërtët e rrezikshme për shëndetin e bebit, ndaj duhet të konsumoni uji mjaftueshëm, në mënyrë që të mbani nën kontroll temperaturën e trupit nëpërmjet djersitjes.
- Përmirëson shëndetin e lëkurës tuaj.
Uji e ndihmon lëkurën të qëndrojë e hidratuar dhe i jep një ndjenjë freskije, ndaj nëse konsumoni mjaftueshëm uji gjatë shtatzanisë lëkura juaj do të jetë e ngjashme me atë të bebit tuaj.
- Parandalon ënjtjet.
Ndonjëherë shtatzania mund të shkaktojë edemë apo ënjtje në disa pjesë të trupit, por pirja e sasisë së duhur të ujit mund ta parandalojë këtë problem.
Lezoni dhe: Sa uje duhet te pini sipas gjinise dhe moshes
')}
Për të lënë një koment ju duhet të jeni regjistruar Identifikohu