Sa kohë duhet ta ushqej fëmijën me gji që ta mbroj nga vdekja e papritur?

0 0

Ushqyerja me gji për të paktën dy muaj zvogëlon me 50% rrezikun e Sindromin e Vdekjes së Papritur të Foshnjave, sipas një studimi të ri ndërkombëtar.

“Këto rezultate janë shumë të fuqishme! Studimi ynë zbuloi se fëmijët që ushqehen me gji për të paktën dy muaj kanë një reduktim të ndjeshëm në rrezikun e tyre për të vdekur nga SIDS”, – tha studiuesi Kawai Tanabe, i Universitetit të Virxhinias të Mjekësisë. “Ushqyerja me gji është e dobishme për kaq shumë arsye dhe kjo është vërtet e rëndësishme.”

Parandalimi i SIDS

Studimet e mëparshme kanë sugjeruar se ushqyerja me gji ishte e lidhur me një rrezik të zvogëluar të SIDS, shkaku kryesor i vdekjes së foshnjave midis 1 muajsh dhe një vjeç, por ky studim është i pari që përcakton kohëzgjatjen e nevojshme për të siguruar këtë mbrojtje. Studiuesit pasi u përshtatën për variablat që mund të shtrembërojnë rezultatet e tyre, gjetën që ushqyerja me gji për të paktën dy muaj ishte e lidhur me një rrezik domethënës të zvogëluar. Ushqyerja me gji për më pak se dy muaj nuk ofroi një përfitim të tillë.

“Ushqyerja me gji për vetëm dy muaj zvogëlon rrezikun e SIDS dhe sa më gjatë të ushqehen foshnjat me gji, aq më e madhe është mbrojtja”, tha studiuesi Fern Hauck, nga Shkolla e Mjekësisë. “Një gjetje tjetër e rëndësishme nga studimi ynë është se çdo sasi e ushqyerjes me gji zvogëlon rrezikun e SIDS-it – me fjalë të tjera, si ushqimi i pjesshëm dhe ushqyerja ekskluzive me gji duket se ofron të njëjtin përfitim”.

Për të përcaktuar efektet e ushqyerjes me gji në rrezikun e SIDS, studiuesit analizuan tetë studime të mëdha ndërkombëtare që shqyrtuan 2,259 raste të SIDS dhe 6,894 foshnje të kontrolluar, ku vdekja nuk ndodhi. Ky model i madh kolektiv tregoi qëndrueshmërinë e gjetjeve, pavarësisht nga sjelljet e ndryshme kulturore në vende të ndryshme, dhe siguron dëshmi bindëse për besueshmërinë e gjetjeve.

Bazuar në rezultatet e tyre, studiuesit po bëjnë thirrje për “përpjekje të vazhdueshme të përbashkëta” për të rritur normat e ushqyerjes me gji në të gjithë botën.

Mbetet e paqartë se pse ushqyerja me gji mbron nga SIDS, megjithëse hulumtuesit citojnë faktorë të tillë të imunitetit dhe efektet mbi modelet e gjumit të foshnjave si mekanizma të mundshëm.

Lexo edhe: Qumeshti i grave mund t’ju shpetoje jeten foshnjeve me semundje te lindura te zemres






Për të lënë një koment ju duhet të jeni regjistruar Identifikohu



Materiale te ngjashme

Lidhja me fëmijën tuaj pas...

Fëmija juaj i porsalindur është në kraharorin tuaj ndërsa derdhni lot gëzimi. Besojmë se e keni imagjinuar momentin kur fëmija juaj vjen në botë si momenti më i lumtur i...

Pse çdo grua shtatzënë duhet...

Anomalitë gjenetike mund të ndodhin në çdo shtatzëni, prandaj testi NIPT është i rëndësishëm për çdo grua shtatzënë, pavarësisht nga mosha e saj apo risku i predispozitës gjenetike. Ekspertët mjekësorë...

MËSONI MË SHUMË PËR TESTIN...

A e dini se mund të zbuloni nëse fëmija juaj është i shëndetshëm që në javën e 10-të të shtatzënisë? Ju mund ta zbuloni shëndetin gjenetik të foshnjës tuaj gjatë...

DIVO, për t’i bërë 1000...

Çdo ditë është e rëndësishme por 1000 ditët e para të jetës janë vendimtare pasi janë castet ku krijohen rrenjët, baza e zhvillimit të fëmijës tuaj por ndërkohë edhe modeli...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X