Nuk ka pothuajse asnjë fushë si ajo e mjekësisë neonatale për të parë se si përparimi i teknologjisë dhe studimeve transformohen menjëherë në mirëqenie për fëmijët e vegjël. Vitet e fundit është rritur shumë mbijetesa e fëmijëve të parakohshëm, të cilët kanë ardhur në jetë shumë herët, situatë që në të kaluarën ishte e pashpresë.

Në fakt, mbijetesa fëmijëve që kanë lindur mes javës së 22 dhe 24 është rritur me 6%. Dhe ata që nuk raportuan probleme neurologjike u rritën me 4%, sipas një studimi të kryer nga Duke University (Karolina e Veriut, Shtetet e Bashkuara) me mbi 4,274 fëmijë.

Në qoftë se në mes të 2000 dhe 2003 mbijetonin rreth 30% të foshnjave të lindura mes 22 dhe 24 javësh në mes të 2008 dhe 2011 kjo shifër arriti në 36%. Rezultatet më të mira u vunë re për fëmijët e lindur në mes të javës së 23 dhe 24, ndërsa në javën e 22-të mbijetesa ishte 4%.

Më shumë parandalim dhe terapi më të fundit

Një sërë ndryshimesh në trajtimin dhe kulturën e njësive neonatale të kujdesit intensiv, për shembull, parandalimi më i mirë i infeksioneve dhe shpërndarja më e madhe të ushqyerjes me gji kanë meritë për këto rezultate. Rritja e përdorimit të steroidit tek nënat me rrezik të lindjes së parakohshme ka ndihmuar fëmijët të zhvillohen në mitër dhe ka përmirësuar normat e mbijetesës me më pak shenja të vonesës zhvillimore.

Shumë probleme shëndetësore mbeten

Edhe nëse foshnjat e lindura para kohe mbijetojnë, raporti i atyre që nuk mbijetojnë është 1 me 3.

Dhe ata që vazhdojnë të jetojnë pa dëmtime të konsiderueshme në moshën 2 vjeçare ende janë në rrezik për probleme të tjera shëndetësore. Sot, në sajë të kërkimeve më të avancuara, mund të themi se lindja parakohe është e lidhur me disa sëmundje të rënda kur rriten.

Lexo edhe: Leter per nenen e femijes premature: Edhe une e kam perjetuar kete qe po kalon ti tani