Kur Matt MacMillan u bë baba për herë të parë, ai realizoi disa foto me fotoshop të vajzës së tij të porsalindur duke zhvilluar aktivitete sportive.

Dy vite më vonë ai planifikoi të bënte të njëjtën gjë me të birin, por planet nuk shkuan sipas dëshirës. Djali i tij lindi para kohe dhe iu desh të kalonte disa javë në inkubator, nën kujdesin e pajisjeve të veçanta.

Në fakt, kjo nuk e bëri babain të tërhqiej. Ai vërtet nuk ia doli të realizonte fotot njësoj si me të bijën, por pati një ide tjetër. Bëri fotoshop fotot e të birit sikur po bënte “detyra mashkullore”.

Fotot ishin shumë tërheqëse dhe të bëjnë për të qeshur, por babai thotë se ato kanë një mesazh shumë më të fortë, të përmbledhur në 3 këshilla për këdo prind që mund të sjellë në jetë një fëmijë prematurë.

“Jini të durueshëm, pozitivë dhe kërkoni ndihmë”.

Fotot dhe mbishkrimet e tyre:

• Rruajtja e parë e bebit

• Bebi ka fituar para në poker

• Bebi bën stërvitje si kampion

“Jam kurioz të di çfarë do të mendojë djali im për këto foto kur të jetë 18 vjeç”.