Fraza “më mirë të parandalosh sesa të kurosh” është shumë me vend: nganjëherë, në të vërtetë, do të ishte e mjaftueshme vetëm të kapnit në kohë disa sëmundje, ose t’i kryenit fëmijëve vizita parandaluese përpara se situata të komplikohej. Kjo ndikon edhe në shikimin e fëmijëve, nëse kontrollet nisin para moshës 3-vjeçare,  mund të shmanget zhvillimi i ambliopisë.

Sëmundja e ambliopisë

Me ambliopi, ose siç njihet më mirë si sindroma “syri dembel”, nënkuptojmë gjendjen që aktualisht prek 4% të popullsisë në botë. Ky term tregon një ulje të aftësisë vizuale të një syri ose të të dyve, megjithëse kjo e fundit është më e rrallë. Është shumë e rëndësishme t’i çoni fëmijët tek mjeku okulist që në moshë të re, pikërisht sepse ambliopia mund të lindë që në vitet e para të jetës.

Nisma e ndërmarrë në Itali

Midis Marsit dhe Majit të këtij viti, një shoqatë jofitimprurëse dëshironte të ndërgjegjësonte njerëzit për këtë çështje, duke kryer një sondazh në pesë kopështe në Milano. Ishte një sondazh që përfshinte 480 fëmijë të moshës midis 3 dhe 6 vjeç.

Sebastiano Accetta, menaxheri i projektit shpjegoi se u krye autorefraktometria për të identifikuar defektet e mundshme të shikimit, si miopia, hiperopia, astigmatizmi, ekzaminimi ortotik që lejon të demonstrojë çrregullime të lëvizshmërisë okulare dhe ekzaminimin e refleksit të kuq për të nënvizuar patologjitë siç janë katarakti kongjenital.

Rezultatet

Rezultoi se vetëm 199 nga 480 fëmijët e vizituar kishin shkuar tek një okulist. Për më tepër, 73 fëmijë (15.2%) kishin nevojë për një studim të nivelit të dytë.

“Këta janë fëmijë, ata nuk do ta kishin zbuluar defektin e tyre nëse nuk do të ekzaminoheshin”,- shpjegoi eksperti, i cili më në fund u bëri thirrje prindërve të mos e nënvlerësojnë atë që mund të rezultojë të jetë një problem me rritjen e tyre: humbja e shikimit.

Lexo edhe: Dy problemet me sytë që telefoni i shkakton fëmijës suaj