Bujaria është një virtyt që përvetësohet që në moshën e fëmijërisë, e megjithatë shpesh shikojmë fëmijë të cilët janë tepër prepotentë, egoist dhe egocentrikë.

Absolutisht prindërit nuk duhet të lejojnë që brenda fëmijës të zhvillohet ideja se bota rrotullohet vetëm rreth tyre, dhe se përveç nevojave që ata kanë tjetër gjë nuk ka rëndësi. Çfarë duhet të bëjnë konkretisht prindërit?

• Lodra e muajit: në shtëpinë tuaj mund të ndodhen lodra që fëmija nuk i përdor kurrë. Ju mund të zgjidhni çdo muaj një lodër që ai nuk e preferon dhe ta fusni në një kuti. Në momentin që kutia do të jetë mbushur plot mund t’ja dhuroni atë një fëmije tjetër në nevojë. “Privimi” që do t’i bënit fëmijës tuaj ndaj asaj lodre do të ndihmojë atë të jetë më tepër bujar që në moshë të vogël.
• E ndani vaktin: ndërsa fëmija është duke ngrënë diçka duhet t’i kërkoni t’ju japë pak juve. Është një gjest i vogël por që do ta ndihmojë atë të kutptojë se duhet të ndajë gjërat. Këtë duhet ta bëjë edhe më shokët e tij.
• Kutia e lodrave të përbashkëta: keni fëmijë tjetër në shtëpi? Shumë mirë! Lodrat nuk kanë pse të jenë të ndara, madje as në lodra vazjash dhe djemsh!
• Të ndihmojë shokët: ai duhet të ndihmojë shokët me detyrën që nuk ka mundur ta kuptojë, me diçka që ai mund të ketë nevojë etj, ndoshta duke e lejuar edhe të studiojë në një moment bashkë me shokun e tij që i ka kërkuar ndihmë

Lexoni dhe: I paedukate nuk lind por behesh!