Kur djali im 16 muajsh mërzitet, ai godet veten në kokë ose gjuan murin derisa lëndohet dhe fillon të qajë. A është ky një reagim normal ndaj zhgënjimit? Jam e shqetësuar se mund të jetë një shenjë e autizmit.

Duket se djali juaj ka atë që zakonisht quhet sjellje “vetë dëmtuese”. Literatura tregon se kjo sjellje është për shkak të një çekuilibri neurokimik dhe rezulton në lirimin e endorfinëve në trup, të cilat mund të çojnë në një përgjigje euforike. Shpesh herë, një fëmijë i frustruar me një fjalor të kufizuar për të shprehur veten do të kafshojë ose do të godasë një tjetër person ose personin me të cilin është i frustruar.

Kjo lloj sjelljeje është e pavullnetshme dhe kërkon përmbajtje nga një i rritur tjetër për ta ndaluar atë.

Fëmija mund të dëmtojë veten si një mënyrë për të shprehur dhimbjen edhe nëse ka infeksion në vesh ose alergji, prandaj tregohuni të vëmendshëm për të kuptuar se kur e kryen këtë veprim.

Në përgjithësi, dëmtimi i vetes nuk është tipar tipik i foshnjës. Në vend të kësaj, një fëmijë që është i irrituar ose i zemëruar ka të ngjarë të godasë ose të kafshojë një person tjetër dhe jo veten. Në vetvete, kjo nuk është një shenjë e Autizmit.

Autizmi është një çrregullim që ndikon në gjuhë dhe komunikim, ndërveprim social dhe sjellje (përsëritëse ose kufizuese). Nëse sheh vetëm sjellje të vetë dëmshme, djali yt mund të jetë shumë i irrituar për shkak të pamundësisë për të komunikuar qartë nevojat e tij me fjalë ose me gjeste me ju dhe me anëtarët e tjerë të familjes.

Duhet të drejtoheni te mjeku për të kontrolluar nëse dëgjimi i fëmijës funksionon mirë, sepse dëgjimi i dobët ndikon në aftësinë për të folur.

Lexo edhe: Çfare nenkuptojne sjelljet e femijes?

')}