Pandemia COVID-19 (koronavirus) e ka bërë të vështirë vazhdimin e mirëmbajtjes rutinore të shëndetit, pavarësisht nëse bëhet fjalë për një operacion jo shuëm të rrezikshëm, një vizitë urgjence apo edhe një kirurgji urgjence.

Duke pasur parasysh shpërthimin e kësaj pandemie, është e kuptueshme që ka shumë pyetje se ku është e sigurt të shkosh madje edhe nëse disa shërbime janë ende të hapura. Dhe një sferë shqetësuese është vaksinimi i fëmijëve të vegjël. Frika nga infeksioni COVID-19 plus udhëzimet e  “qëndrimit në shtëpi” nëpër shumë shtete kanë rezultuar në një rënie të raportuar të fëmijëve që bëjnë vakzinat rutinore, thelbësore. Pediatri Kimberly Giuliano, MD, thekson, “Që nga fillimi i pandemisë, të dhënat kombëtare tregojnë se ka pasur një rënie prej 42 deri në 73% të niveleve të vaksinimit, në varësi të burimit dhe llojit të vaksinave.” Sidoqoftë, mungesa e këtyre vaksinave rutinore mund të jetë e dëmshme për fëmijët, duke i lënë ata të ekspozuar ndaj shumë sëmundjeve të tjera që mbartin më shumë rreziqe për ta sesa COVID-19, përfshirë fruthin.

Rëndësia e vaksinimit

Ndërsa fëmijët janë në rrezik për COVID-19, mjekja Kalady thotë, “Për fat të mirë, studimet tregojnë se shumica e fëmijëve që marrin COVID-19 kanë një kurs relativisht të butë të sëmundjes, ose janë edhe asimptomatikë, në krahasim me të rriturit.” Ajo shton se prindërit duhet të vazhdojnë të kenë përparësi vaksinimin rutinor të fëmijëve përkundër anktheve mbi COVID-19. “Sëmundja që mund të parandalohet nga vaksinat është e pranishme në komunitetin tonë. Është me të vërtetë e rëndësishme që ne të mos heqim vëmendjen nga këto kërcënime të vërteta për shëndetin, “thotë ajo. “Nëse fëmijët nuk vaksinohen, ata janë në rrezik të lartë për zhvillimin e atyre sëmundjeve të parandalueshme nga vaksinimi, përfshirë fruthin dhe pertusin (kollën e mirë)”.

Një mjedis i sigurt për pacientët

Shqetësimi për ekspozimin e fëmijëve në COVID-19 është i kuptueshëm, thotë Dr.Kalady, por ajo vë në dukje përpjekjet që janë bërë për të krijuar mjedisin më të sigurt të mundshëm për këta pacientë të vegjël. Pra, ndërsa bota pret një vaksinë COVID-19, doktori Kalady thotë, “Ne do të vazhdojmë të mbrojmë pacientët tanë duke aplikuar vaksinat e sigurta, të disponueshme ndërsa presim zhvillimin e një vaksine anti COVID-19 në të ardhmen”.

Lexo edhe: Vaksina e fruthit mbron fëmijët nga koronavirusi?