Me ardhjen në jetë të fëmijëve, ndodh që prindërit gjithnjë e më rrallë të kalojnë kohë vetëm me njëri-tjetrin, pa praninë e fëmijëve. Lindja e një fëmije kërkon energji, lodhje, përkushtim dhe duke u marrë me gjithçka që ata kanë nevojë: ushqimi, larja, veshja, etj, dëshira për të dalë zbehet. Megjithatë edhe kur dalin, prindërit marrin fëmijët me vete. Kjo bën që çifti të mos ketë më hapësirën e tij dhe nëse diçka e tillë përsëritet në një afat të gjatë kohor, krijon probleme të pakthyeshme.
Pse është e rëndësishme të dilni vetëm?
Çiftit i nevojitet koha dhe hapësira për të dialoguar rreth njëri-tjetrit dhe marrëdhënies së tyre. Fëmijët janë shumë të rëndësishëm, por po kështu edhe dashuria mes dy prindërve, dhe nëse nuk i kushtoni kohë njëri-tjetrit, do të lindin keqkuptime. Pikërisht për shkak të lodhjes që vjen nga puna dhe rritja e fëmijëve, prindërit kanë nevojë të kalojnë disa orë vetëm për t’u çlodhur, për t’u argëtuar e për t’u ndjerë të bashkuar.
Nuk ka pse të ndiheni në faj
Shumë prindër nuk i japin kohë vetes për t’ju dedikuar njëri-tjetrit sepse nuk dinë me kë të lënë fëmijët, ose ndihen fajtorë për këtë. Në fakt, thjesht disa orë dedikuar partnerit nuk i bëjnë asgjë të keqe fëmijës, madje ndihmojnë që prindërit të ndihen mirë e rrjedhimisht të jenë më të suksesshëm edhe me fëmijët.
Dialogu
Ajo që është më e rëndësishme është dialogu për të ruajtur ekuilibrin. Një darkë jashtë, një shëtitje në park ose një mbrëmje në kinema do të ndihmojnë që çifti të ndihet më afër, t’i lejojë ata të dialogojnë, diskutojnë dhe tregojnë se çfarë ndodh me ta.
Pak më shumë kohë për veten dhe për njeri tjetrin, do ta afrojë më shumë çiftin, gjë që për fat të keq ndodh gjithmonë e më pak tek shumë prindër pas ardhjes në jetë të një fëmije.
Lexo edhe: Tre rastet kur lindja e femijes e ndan ciftin
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu