Vajza ime 2 vjeçe e 3 muajshe shpesh duket e zbehtë në fytyrë dhe me rrathë të errët poshtë syve.
Ajo fle mesatarisht 10 orë gjatë natës dhe dremit rreth një orë ditën.
Përgjigja e ekspertëve
Në shumicën e rasteve, rrathët e errët poshtë syve të fëmijëve nuk janë shenjë e ndonjë sëmundje serioze, por duhet patjetër të konsultoheni me pediatrin.
Ndonjëherë kjo është çështje gjenetike. Nëse ju ose bashkëshorti, apo pararadhësit tuaj kanë pasur rrathë të zinj poshtë syve, ka shumë gjasa që fëmija t’i ketë trashëguar nga ndonjë prej jush.
Ndonjëherë rrathët e zinj lidhen me alergjitë që mund të ketë fëmija. Mbushja e tepërt e hundës dhe sinuseve mund ta shkaktojë fryrje të venave të syve, duke dhënë ngjyrë më të errët në këto zona.
Gjithashtu alergjitë ndaj ngacmuesve mjedisorë, si p.sh. pluhuri, myku ose kafshët mund të shkaktojnë probleme me hundët, ndërsa rrathët e syve shkaktohen pasi fëmija mund të jetë shumë i ndjeshëm ndaj një detergjenti, kremi, apo produkti tjetër shtëpiak.
Është gjithashtu e rëndësishme të merret në konsideratë se fëmija mund të ketë alergji ndaj ushqimeve të caktuara ose përbërësve të ushqimit në dietë, siç është qumështi, gluteni ose arrat, pasi kjo mund të shkaktojë bllokim të hundës përveç simptomave të tjera.
Ftohja, gripi dhe probleme të tjera të frymëmarrjes mund të jenë gjithashtu përgjegjëse për bllokimin e hundëve dhe rrathët e errët.
Për shkak se alergjitë luajnë një rol të rëndësishëm në astmë, rrathët e errët nën sytë e fëmijëve ndonjëherë lidhen me këtë sëmundje të frymëmarrjes.
Më pak të zakonshme, rrathët e errët nën sytë e fëmijës mund të lidhen me probleme të tjera shëndetësore, siç janë çrregullimet metabolike ose mangësitë e vitaminave dhe mineraleve, duke përfshirë mungesën e vitaminës B12 ose mungesën e hekurit, gjë që mund të çojë në anemi.
Lexo edhe: Pse femija im ka rrathe te zinj poshte syve?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu