Është një skenë kaq e bukur dhe unë nuk guxoj ta ndërpres, kështu që rri pas derës së dhomës se djalit duke parë sesi i ati i lexon historinë e preferuar, një libër nga fëmijëria e tij, duke interpretuar pjesët.

“Mbylli sytë”, thotë bashkëshorti im në gjuhën frënge, ndërkohë që djali mbyll veshët dhe të dy qeshin pafund me këtë skenë dhe kthejnë faqen.

Kjo kohë e leximit të babait me djalin ka përfitime për gjithë familjen.

Unë e di se një gjë e tillë më ndihmoi mua të shkëputesha nga detyrat si nënë dhe të pushoj pak para se të fle. Gjithashtu krijon një lidhje të fortë dashurie mes babait e fëmijës.

Rezulton se një praktikë e tillë çdo mbrëmje e bën tim shoq një baba më të mirë.

Sipas një studimi, baballarët që u lexojnë fëmijëve që në moshën parashkollore nxisin tek ata një dashuri për librat e leximin dhe gjithashtu sjellje më të mirë.

Një fëmijë më i sjellshëm dhe një prind më i angazhuar.

Sipas studiuesve, veprimi i thjeshtë i të lexuarit, i bënte prindërit më pak kritikues dhe më të aftë të gjenin teknika më të përshtatshme edukuese për fëmijët e tyre.

Megjithatë, mua nuk më duhen rezultate shkencore për të parë përfitimet e leximit që bashkëshorti bën me djalin.

Por, do të impresionohesha nëse im shoq do t’i mësonte djalit diferencën mes syve dhe veshëve në frëngjisht :p.

Lexo edhe: Si duhet te jene librat qe u lexojme bebeve?