Ibuprofeni është përbërësi aktiv i shumë medikamenteve që mund të përdoren tek fëmijët si qetësues dhimbjesh apo në rast temperature. Atë mund ta gjejmë tek medikamentet: Brufen, Algofren, Nurofen etj.

Por si duhet ta përdorim në mënyrën e duhur nje medikament të tillë?

Gjëja e parë që duhet të keni parasysh është se shurupet me përmbajtje ibuprofeni nuk duhet të përdoren tek fëmijët me moshë nën 3-muajsh apo nëse fëmija ka një peshë nën 5.6 kg. Ai nuk duhet të përdoret tek fëmijët alergjikë, që kanë shfaqur më parë shenja riniti (hunda që rrjedh vazhdimisht), fryrje të fytyrës, buzëve dhe fytit, vuan nga astma, gjendje e cila është shkaktuar nga medikamente të ngjashme.

Cila është doza që duhet t’i japim fëmijës?

 

Pesha e fëmijës	Mosha	Doza në ml	Duhet të merret maksimumi 3 herë në 24 orë
5.6-7 kg	3-6 muajsh	2.5 ml
7-10 kg	6-12 muajsh	2.5 ml
10-15 kg	1-3 vjeç	5 ml
15-20 kg	4-6 vjeç	7.5 ml
20-28 kg	7-9 vjeç	10 ml
28-43 kg	10-12 vjeç	15 ml

 

Si duhet të veprojmë në rast se temperatura nuk zbret?

Nëse simptomat nuk përmirësohen apo përkeqësohen duhet të shkoni tek mjeku, dhe konkretisht nëse:

• Simptomat nuk përmirësohen apo përkeqësohen në harkun kohor të 24 orëve tek fëmijët me moshë 3-5 muajsh;
• Simptomat nuk përmirësohen apo përkeqësohen tek fëmijët me moshë nga 6 muajsh-12 vjeç në harkun kohor të 3 ditëve.

Lexoni edhe: Si te kuptoj nese femija ka ethe?