Shumë prindër largohen nga spitali me fëmijën e tyre të porsalindur kur foshnja është një ditë ose dy ditësh, por për fëmijët që lindin me vështirësi në frymëmarrje dhe kanë nevojë për kujdes intensiv si në rastin e Cullen Potter, nuk ndodh kështu. Këta fëmijë e lënë spitalin shumë më vonë.
Pas 160 ditësh qëndrim në Spitalin e Fëmijëve dhe Grave të Universitetit të Alabamas, bebi Cullen u diplomua kur doli prej tij, me veshjen dhe kapelën karakteristike të diplomimit.
Infermierja që është kujdesur për të, e çoi në korridorin e katit të poshtëm ku u bë gati për të dalë, ndërsa pjesa tjeter e stafit ishin të pranishëm për ta përcjellë pas më shumë se 5 muajsh qëndrim.
Të gjithë ishin shumë të emocionuar, por askush më tepër se dy prindërit e vogëlushit.
Nëna e tij ishte vetëm 22 javëshe shtatzanë, kur Cullen erdhi në këtë botë dhe mjekët i tanë se mundësitë e tij për të jetuar ishin vetëm 2%. Megjithatë, stafi i spitalit bëri gjithçka mundi për ta shpëtuar vogëlushin dhe e ëma i ka falënderuar publikisht në profilin e saj në Facebook.
Prandaj largimi nga spitali është konsideruar si një diplomim për djalin e vogël, i cili tani i bashkohet jetës normale duke gëzuar shëndet të plotë.
Lexo edhe: Djali qe lindi “dy here”
')}
Për të lënë një koment ju duhet të jeni regjistruar Identifikohu