Ky artikull përshkruan oraret mesatare të foshnjës 8-muajshe, duke përfshirë ushqyerjen me qumësht për foshnjat që ushqehen me gji dhe me formula, ushqimet e ngurta, dremitjet dhe gjumin e natës.

Gjumi i fëmijës 8 muajsh

Në këtë moshë, shumë fëmijë 8 muajsh mund të flenë gjatë gjithë natës, pa ushqyerje, por disa mund të vazhdojnë të kenë nevojë për 1-2 ushqyerje deri në moshën 9 muajsh. Dhe, foshnjat 8 muajshe bëjnë 2-3 dremitje në ditë për një total prej 2-3 orë në ditë plus 11-12 orë gjatë natës.

Të gjithë foshnjat ndryshojnë nga njëri-tjetri, por këtu janë disa orare të përafërta që mund t’i ndiqni.

Për sa dremitje ka nevojë një fëmijë 8 muajsh?

Shumica e foshnjave 8 muajshe bëjnë 2-3 dremitje çdo ditë që gjithsej janë 2 deri në 3 orë. Foshnjat e kësaj moshe qëndrojnë zgjuar dhe kanë dritare zgjimi mes 2 dhe 3 orë rresht, mesatarisht, por deri në 4 orë para gjumit nëse kanë dy dremitje në ditë. Kjo është një moshë e zakonshme që foshnjat të heqin dorë nga gjumi i tretë.

Megjithatë, për këshilla më specifike mund të drejtoni pyetjen për pediatren tonë në rubrikën diskutimet.

Ushqyerja e fëmijës 8 muajsh

Sasia e ushqimit në 8 muaj është shumë e ngjashme me atë të foshnajve 7 muajsh, por me shumë mundësi do të shkoni në 3 vakte të vogla në ditë, në krahasim me vetëm 2 të muajit të shtatë.

Sasia ditore:

• Të paktën 5 seanca gjidhënie në ditë ose formulë ose kombinim 770-950 ml.
• Jo më shumë se 60-110 ml ujë ose lëng (për t’u siguruar që të pijnë mjaftueshëm qumësht gjiri ose formulë)
• 2-3 racione drithëra për fëmijë (1 racion drithëra = 1-2 lugë gjelle të thata)
• 2 racione fruta (1 racion = 2-3 lugë gjelle)
• 2-3 racione perime (1 racion = 2-3 lugë gjelle)
• 1-2 racione proteina (1 racion = 1-2 lugë gjelle)
• 1 racion bulmet (1 racion = 1/2 filxhan kos, 1/3 filxhan gjizë ose pak djathë të grirë)
• Ju gjithashtu mund të ofroni të verdhë veze të gatuar (por ndoshta jo të bardha veze deri në moshën 1 vjeç për shkak të alergeneve – konsultohuni me mjekun tuaj).

Programi 1 i gjumit

7:00 – Zgjimi dhe qumështi i gjirit ose formula

8:15 – Mëngjesi

9:00 – Dremitja e mëngjesit (të paktën 1 orë)

10:00 – Qumësht gjiri ose formulë

11:00 – Dreka

12:30 – Qumësht gjiri ose formulë

1:00 – Gjumi i hershëm i pasdites (të paktën 1 orë)

2:00 – Qumësht gjiri ose formulë

4:00 – Dremitje e shkurtër jo e detyrueshme (30-45 minuta)

4:30 ose 5:00 – Darka

6:15 – Filloni rutinën para gjumit

7:00 – Qumështi i gjirit ose formula dhe vënia në gjumë

+ 1 ushqyerje gjatë natës (jo e detyrueshme)

Programi 2 i gjumit

7:00 – Zgjimi

7:15 – Mëngjesi plus qumështi i gjirit ose ushqyerja me formulë

9:00 – Dremitja e mëngjesit (të paktën 1 orë)

10:00 – Qumësht gjiri ose formulë

11:00 – Dreka

12:30 – Qumësht gjiri ose formulë

1:00 – Gjumi i pasdites (të paktën 1 orë)

3:00 – Qumështi i gjirit ose formulë

5:30 – Darka plus qumështi i gjirit/Ushqyerja me formulë

6:15 – Filloni rutinën para gjumit

7:00 – Qumështi i gjirit ose formulë

+ 1 ushqyerje gjatë natës (jo detyrueshme)

Lexo edhe: Tabelat e orarit të gjumit për fëmijët 9 muajsh