Çdo nënë që udhëton shpesh dhe ndërkohë ushqen fëmijën me gji ose pompon qumësht është përballur me Misionin e Pamundur. Nuk është sekret se aeroportet janë të njohur për mungesën e hapësirave të përshtatshme për nënat.

Një nënë nuk kishte zgjidhje, përveçse të pomponte në njërën nga banjat publike, madje edhe aty dikush kishte diçka për të thënë për këtë. Eksperienca u nda në Facebook, ku gruaja anonime shpreh frustrimet e saj dhe shpjegon pse ajo nuk pranoi të kërkojë falje.

“Sot, më duhej të pompoja në një banjo të aeroportit. Është diçka që unë kam dashur të bëj disa herë që kur u ktheva të punoja disa muaj më parë, sepse shpesh aeroportet tona nuk janë të pajisura për të mbështetur hapësirat e gjidhënies”, shpjegon nëna.

Gjatë kësaj periudhe, aeroporti kishte vetëm një dhomë për laktacion. Meqenëse kishte tre gra që prisnin përpara saj dhe ajo kishte takime biznesi në vijim, gruaja vendosi të shkonte në banjë. 

“Një grua e mbrojti djalin e saj të vogël nga unë dhe tha:” Ti e di se ka një hapësirë ​​për të bërë këtë tek dera tjetër. “Uroj që të kisha një përgjigje të mençur ndaj saj, por unë vetëm u ktheva dhe thashë se nuk kam kohë të pres,” tregon nëna. “Nuk kisha pompuar për gjashtë orë dhe kisha një ditë të gjatë takimesh me klientë para meje, me mundësi të pakta për të pompuar. Për herë të parë në jetën time, nuk kërkova falje. “

Lexo edhe: Ankohet klienti për punonjësen që shtrydhi gjirin me pompë, pronari i ndalon të vijë në lokal