Të jesh një nënë është një eksperiencë unike për një grua, e cila heq dorë nga shumë gjëra për t’ju përkushtuar në mënyrën e duhur bebes së vogël. Të jesh një nënë e mirë nuk duhet të konsiderohet si një garë, ajo është një gjë që kërkon kohë, energji dhe mbi të gjitha dashuri.
Me siguri pyesni shpesh veten nëse jeni duke bërë gjënë e duhur, dhe tashmë objektivat tuaja mund të jenë!
- Të mësoni t’i besoni instikteve tuaja! do të dëgjoni shumë këshilla, dhe mund të ndodhë që edhe pse fëmija juaj të duket mirë instikti juaj t’ju tregojë të kundërtën. Në këtë rast duhet të kërkoni që mjeku ta vizitojë sërish, pra asnjëherë mos e injoroni instiktin e nënës.
- Mësoni të kërkoni ndihmë. Jua shpjeguam edhe më sipër, nuk është një garë prandaj mos hezitoni të kërkoni ndihmë.
- Përpiquni të flini sa më shumë gjumë. Ndryshe nuk do të keni energjitë dhe humorin e duhur për t’u kujdesur për fëmijën tuaj. Këshilla jonë më e mirë? Flini gjumë sa herë fle edhe bebi.
- Ndiqni një ritëm të caktuar. Do t’ju duhet një kohë e caktuar të mësoheni me jetën e re dhe gjatë kësaj kohe mund të keni edhe rremujë në shtëpinë tuaj. Ndërkohë përpiquni të caktoni ritme të reja në jetën tuaj, duke u përpjekur të respektoni oraret e fëmijës.
- Përgatituni për të pasur me vete gjithmonë sendet e fëmijës, si edhe të përcaktoni ato që do të bëni gjatë ditës. Kjo do t’ju ndihmojë të jeni më tepër të organizuar edhe në rast se ndodh një e papritur.
- Mësoni të qeshni. Edhe pse ndonjëherë gjërat do të duken jashtë kontrollit, edhe pse brenda vetes do të jeni e lodhur dhe pa energji. Mos e lejoni veten të pushtoheni nga emocionet negative. E qeshura do t’ju bëjë të ndieni më pak stres.
- Filloni të mendoni edhe për t’u rikthyer në formë. Kujdesuni për ushqimin dhe aktivitetin fizik që bëni. Në këtë mënyrë do të ndiheni më mirë me veten tuaj.
- Konsumoni gjëra të shëndetshme. Kjo do t’ju ndihmojë në lidhje me gjidhënien, rikthimin në formë, marrjen e energjive të duhura, etj.
- Shijoni të gjitha momentet. Koha kalon më shpejt nga sa ju e mendoni dhe bebi juaj shumë shpejt do të jetë më i pavarur, do t’ju mungojë shumë koha kur ai kërkonte gjithmonë të ishit pranë tij.
Lexo edhe:
A jane me te lumtura nenat qe punojne me orar te pjesshem?
Nene e lodhur pas lindjes? Ja si te flini me mire
')}
Për të lënë një koment ju duhet të jeni regjistruar Identifikohu