Ne shtepi me te porsalindurin

0 0

Deri tani keni qënë nën kujdesin e mjekëve të spitalit dhe tashmë jeni në shtëpi. Si do të jetë jeta në vazhdim? Si duhet të silleni me fëmijën sidomos gjatë natës së parë?
Nata e parë në shtëpi me të porsalindurin
Si nënë më duhet t’ju jap këshillën e parë: mos kini frikë. Jeni ju e zonja e fëmijës, dhe askush më mirë se ju nuk di të kujdeset për të! Është fëmija i parë? Edhe çfarë rëndësie ka kjo? Do t’ja dilni për mrekulli! Së pari më duhet t’ju them se ai do të qaj sa herë të ketë nevojë për ju edhe pse nuk ka uri në çdo rast, kështu mund t’i ofroni gjoksin në çdo moment, duke favorizuar edhe prodhimin e qumështit. Kontrolloni gjithashtu edhe bebelinën e tij nëse ka nevojë për t’u ndërruar. Një bebelinë e papastër do ta bëj fëmijën të mos ndihet i qetë. Kujdesuni edhe për dhimbjet e barkut të fëmijës duke e mbajtur në pozicion të favorshëm për të lehtësuar simptomat. Ju do të keni nevojë për shumë qetësi, për këtë arsye do t’ju këshilloja të qëndronit sa më shumë shtrirë pranë fëmijës tuaj, në dhomën tuaj të gjumit. Dera e saj duhet të jetë e hapur vetëm për ju dhe bashkëshortin. Vizitorët mund të presin në sallon! I mbani dritat sa më të ulëta. Pasi fëmija ka nevojë për qetësi. Ulni grilat në gjysëm pozicioni nëse është e nevojshme. Sigurohuni që temperatura të jetë në nivelet e duhura.
Ushqyerja e fëmijës
E ushqeni sa më shumë, në çdo rast që ai ka nevojë. Edhe në këtë rast si nënë do t’ju këshilloja të zgjidhnit dhomën tuaj të gjumit, në qetësi dhe në intimitetin tuaj. Nëse keni zgjedhur të ushqeni me biberon, duhet t’i sterilizoni ata më parë se të vijë momenti i ushqyerjes.
Ndryshimi mes ditës dhe natës
Shpesh fëmija e ka të vështirë të kuptojë ndryshimin midis ditës dhe natës dhe ju duhet të filloni nga dita e parë të favorizoni dallimin mes tyre.

Si duhet të veproni?
• Gjatë ditës e përkëdhelni në një vend ndryshe nga dhoma e gjumit, për shembull në koshin e karrocës;
• Gjatë ditës lejoni futjen e dritës në dhomë, por gjatë ditëve të para ajo nuk duhet të jetë shumë e fortë. Natën dhoma duhet të jetë errësirë;
• Bëni një zhurmë normale, por jo kaotike. Edhe nëse ai fle gjatë ditës duhet të ketë një zhurmë, por jo shumë të fortë. Gjatë natës duhet të jetë qetësi.

 

A i lejoni te tjeret te puthin femijet tuaj?

Loading ... Loading ...





Për të lënë një koment ju duhet të jeni regjistruar Identifikohu



Materiale te ngjashme

Jo çdo NIPT është NIFTY

"Çfarë është testi NIFTY? A janë NIPT dhe NIFTY e njëjta gjë? A ka rëndësi se cilin të zgjedhësh? Këto janë të gjitha pyetjet me të cilat përballen shumë gra...

Gjithçka që duhet të dini...

Testi NIFTY nga GenePlanet u mundëson prindërve të ardhshëm të mësojnë më shumë për shëndetin e foshnjës së tyre ndërkohë që ai ose ajo është ende në mitër. Në këtë...

A mund të mbaj në...

A është e sigurt të ngrini në krahë një fëmijë ndërsa jeni shtatzënë? Ja çfarë duhet të dinë nënat e ardhshme me të vegjlit në shtëpi. "Njerëzit vazhdojnë të më...

Rreziqet dhe përfitimet e shtatzanisë...

Në vendin tonë, gjithnjë e më shumë gra vendosin të kenë një fëmijë në moshën 40-vjeçare. Disa vendosin të presin deri në këtë moshë për të pasur një fëmijë, disa...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X