Simptomat e zakonshme të shtatzënisë në muajin e tretë:

Disa nga simptomat që mund të vëreni janë të këndshme dhe të mirëpritura, ndërsa të tjerat janë mjaft sfiduese. Mos harroni, këto simptoma janë normale gjatë shtatzënisë, por nuk mund t’i përjetoni të gjitha.

• Fitimi i peshës;
• Rritja e energjisë;
• Shtimi i sekrecioneve vaginale;
• Venat me variçe të dukshme;
• Marramendje;
• Urinim i shpeshtë;
• Ndjenja e qetësisë;
• Harresa;
• Ndryshimet në pigmentimin e lëkurës.

Zhvillimi i fetusit: Gjatë muajit të 3-të të shtatzënisë, organet gjenitale të fëmijës do të fillojnë të formohen. Zhvillimi ndijor vazhdon, gjithashtu: foshnja do të jetë në gjendje të dëgjojë tingujt e jashtëm dhe do të fillojë të bëhet i ndjeshëm ndaj dritave të forta.

Ndryshimet në trupin tuaj: Ka shumë gjasa që shnejat e para të një barku të madh të shfaqen tek ju dhe gjithashtu mund t’ju fryhen gjinjtë. Shenja tipike e muajit të tretë është shtimi i urisë, pas largimit të ndjesisë së përzierjes dhe të vjellave. Mos harroni të hani mirë, duke u fokusuar në cilësi, jo sasi. Disa gra përjetojnë ndryshime të pigmentit të lëkurës, si një vijë e errët që shfaqet në bark, ose njolla të errëta në fytyrë.

Muaji i 3 i shtatzanisë, ushqyerja dhe aktiviteti fizik kanë shumë rëndësi

Përfitoni nga rritja e energjisë për të bërë pak stërvitje gjatë shtatzanisë, gjithmonë duke u këshilluar me mjekun.

Është po aq e rëndësishme të përqëndroheni në një dietë të shëndetshme, duke përfshirë ushqimet e rregullta, perime, fruta dhe drithëra. Qëndroni të hidratuar me ujë, dhe mos kaloni maksimumin prej 200 miligramë kafeine në ditë.

Ndani lajmin e fëmijës: Në muajin e tretë të shtatzanisë, mund të ndiheni të gatshme për të ndarë lajmet me familjen dhe miqtë. Mendoni se cilit doni t’i tregoni dhe si.

Bëni planet e lejes së lindjes: Filloni të mendoni se si të diskutoni lejen e lindjes në vendin tuaj të punës.

Lidhja me fëmijën: Fëmija juaj i vogël mund të dëgjojë tingut e zërit tuaj dhe rrahjet e zemrës suaj, kështu që filloni të krijoni lidhje me të duke biseduar dhe duke kënduar.

Komunikoni me partnerin: Shtatzënia është një rol dhe përvojë që mund të ndahet nga të dy prindërit. Bisedoni me partnerin tuaj për mënyrat në të cilat ai mund të ndihmojë. Kjo do të ndihmojë babain e ardhshëm të ndihet më i përfshirë dhe do të lehtësojë ngarkesën tuaj si nënë.

Lexo edhe: Muaji i 5 i shtatzanise, simptomat dhe perjetimet