loading

Muaji i 5 i shtatzanisë, simptomat dhe përjetimet

0 0

Trupi e secilës grua ndryshon në mënyra të ndryshme në kohë të ndryshme gjatë një shtatëzanie. Megjithatë, fakti që po mbani një fëmijë ka të ngjarë të jetë mjaft i dukshëm në muajin e pestë të shtatzanisë, kështu që në këtë muaj, do të përshtateni me ndryshimet fizike, si dhe do të merrni këshilla nga të gjithë. Shumë gra thonë se kjo është faza më e këndshme e shtatzënisë.

Por në muajin e pestë mund të përballeni edhe me disa simptoma të bezdisshme siç janë:

  • Kruajtja e lëkurës;
  • Strijat;
  • Variçet;
  • Venat si merimangë;
  • Vështirësi në frymëmarrje;
  • Duart dhe këmbët e fryra;
  • Dhimbje në fund të shpinës;
  • Fryrje;
  • Kapsllëk;
  • Urth;
  • Shtim i oreksit;
  • Vështirësi në gjetjen e një pozicioni të rehatshëm për të fjetur.

Mbani mend se këto simptoma të shtatzënisë janë normale dhe vetëm disa prej tyre mund të përjetoni gjatë këtij muaji.

Muaji i 5 i shtatzanisë, çfarë mund të themi për zhvillimin e foshnjës: Fëmija juaj po shton në peshë dhe tiparet e fytyrës janë formuar të gjitha. Në këtë fazë, ka një hapësirë të konsiderushme lëvizëse, kështu që do të ndjeni të vegjlit tuaj duke “kërcyer” dhe duke u rrotulluar. Këto lëvizje sinjalizojnë një fëmijë të shëndetshëm, kështu që edhe pse ndonjëherë mund të jenë të bezdisshme, sidomos gjatë natës ndërsa po përpiqeni të flini, ato janë padyshim një shenjë e mirë.

Ndryshimet në trupin tuaj: Ka shumë ndryshime pozitive gjatë muajit të 5 të shtatzënisë, të tilla si vazhdimi i gëzimit të rritjes së energjisë. Shumë gra shtatzëna gjithashtu do të përjetojnë një “shkëlqim” dhe duken më rrezatuese. Barku juaj vazhdon të rritet, por mund të mos jetë aq i madh, kështu që ju ende mund të lëvizni me lirshmëri.

Në këtë fazë mund të filloni të flisni me të afërmit tuaj për të shkëmbyer eksperiencat e shtatzanisë e për periudhën kur do të keni sjellë fëmijën tuaj në jetë.

Ju mund të keni zgjedhur tashmë të ndani lajmin me shefin dhe të tjerët në vendin tuaj të punës dhe keni filluar planet e pushimit të lehonisë.

Bisedoni me fëmijën tuaj: Fëmija po mëson të njohë zërin tuaj dhe mund të dëgjojë më mirë se më parë. Bëni një zakon të flisni, këndoni ose lexoni për fëmijën tuaj çdo ditë.

Mësoni shenjat e lindjes së parakohshme: Tani është koha për të qëndruar vigjilente ndaj shenjave të lindjes së parakohshme. Kontaktoni mjekun tuaj menjëherë nëse mendoni se mund të jeni gati për lindje të parakohshme.

Hani mirë: Fëmija juaj po rritet me shpejtësi në këtë pikë dhe mund të ndiheni të uritur më tepër. Vazhdoni të hani një shumëllojshmëri të ushqimeve të shëndetshme, me vlera ushqyese.

Kërkoni komoditet: Eksploroni mënyra të rehatshme për të fjetur, zgjidhni këpucë më të rehatshme (sidomos nëse këmbët tuaja janë fryrë), vishni rroba të lirshme, me të cilat mund të lëvizni e të merrni frymë pa vështirësi dhe përshtasni reçipetat me gjoksin tuaj në rritje.

Lexoni dhe: Muaji i shtatë i shtatzanisë

Për të lënë një koment ju duhet të jeni regjistruar Identifikohu



Materiale te ngjashme

Artikull i Sponsorizuar/ NIFTY| Kontrollet...

3-8 javë: Kjo është periudha kur kryesisht gratë e kanë bërë testin e shtatzënisë që ka treguar plusin magjik apo dy vijat. Është çasti i duhur që t'i telefononi gjinekologut...

Ishemia në shtatzani, rastet kur...

Gjatë nëntë muajve të shtatzanisë, rreziku i goditjes në tru rritet. Të rralla, por serioze Sipas të dhënave nga Shoqata Amerikane e Zemrës, incidenca e goditjes ishemike dhe hemorragjike është...

Artikull i Sponsorizuar| Çfarë ofron...

Është shumë i besueshëm, testi më cilësor i cili përcakton parregullsitë kromozomale tek fetusi. Është plotësisht i sigurt, sepse për realizimin e testit nevojitet vetëm gjaku i marrë nga vena...

Mjekët nuk u dhanë shpresa,...

Ellonn Smartt, lind në javën e 23-të Historia e Ellonn Smartt, një vajzë njëzet e pesë vjeçare që lindi fëmijën e saj të dytë në javën 23-të, bëri xhiron e...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X