Pjesa më e bukur e ditëve pushim dhe festave të fundvitit është qëndrimi me familjarët në ambientin e ngrohtë familjar dhe në kushtet ideale pranë zjarrit.

Por për ata që ngrohen me zjarr, fikja dhe rindezja e herëpashershme e tij mund të krijojë bezdi dhe të ndërpresë momentet e këndshme në familje. Prandaj duhet të mësoni teknika të reja të ndezjes së zjarrit që ai t'ju ngrohë më shumë
dhe të rrijë i ndezur më gjatë.

Metoda e ndezjes së zjarrit

Mënyra tradicionale e ndezjes së zjarrit është duke vendosur fillimisht shkarpat e holla e më pas drutë të fortë e të trashë në formën e një trekëndëshi. Rezulton se kjo mënyrë jo vetëm që nuk është më e mira, por është pikërisht e kundërta e saj
për të siguruar një zjarr që ju ngroh më shumë dhe zgjat më tepër në kohë. Fillimisht duhet të vendosni drutë e plota, pas tyre ato më të holla, duke lënë sa më pak hapësirë mes copave të drurit. Pastaj përsërisni procesin.

Kohëzgjatja e zjarrit

Nëse zjarri i zakonshëm me metodën e vjetër do të fikej për 20-30 minuta, ky do të zgjasë më shumë se 3 orë. E vetmja gjë për të cilën duhet të bëni durim është të prisni rreth 20 minuta para se të marrë flakë mirë. Por sapo të ketë marrë flakë,
ambienti do të jetë shumë më i ngrohtë dhe ju nuk duhet të shqetësoheni për ta rindezur pa kaluar të paktën 3 orë.

Lexo edhe: Femijet nuk semuren nga i ftohti por nga viruset