Thuhet se tatuazhet janë përgjithmonë. Por kjo nuk është e vërtetë, pasi ekzistojnë metoda për heqjen e tatuazheve. Megjithatë duhet të mbani mend se procesi i heqjes së një tatuazhi nuk është i lehtë, prandaj duhet të mendoheni mirë para se të bëni një të tillë.

E lehtë nëse është i vogël dhe i errët

Për të eliminuar një tatuazh nevojitet një dermatolog i specializuar për heqjen me lazer dhe disa seanca në varësi të madhësisë dhe ngjyrës së tatuazhit. Në përgjithësi është më e lehtë të hiqen tatuazhet e vogla, lineare dhe të errëta, sepse lazeri është më efektiv në ngjyra të tilla si për shembull e zeza dhe bluja.

Nga ana tjetër, është më e vështirë, edhe pse jo e pamundur, të heqësh tatuazhet e mëdha, sepse ata kanë nevojë për pajisje me një gjatësi vale specifike dhe një numër më të madh seancash. Ju mund të eliminoni tatuazhe në të gjitha pjesët e trupit.

Keni nevojë për lazer

Sesionet për heqjen e tatuazheve duke përdorur lazer zgjasin mesatarisht 10-15 minuta dhe kryhen çdo 2 muaj. Ato mund të jenë mjaft të dhimbshme dhe në fund të çdo sesioni, për disa ditë, lëkura mund të duket e kuqerremtë, me kore dhe fshikëza. Zakonisht, një krem antibiotik aplikohet për të zbutur dhe zgjidhur këto probleme. Por kini kujdes të mos i kryeni këto seanca në verë sese mund t’ju lënë shenja të përjetshme. Gjithmonë mbroni lëkurën ku keni aplikuar rrezet lazer.

Ta dini!

Sa më i madh të jetë një tatuazh, aq më shumë seanca nevojiten për ta fshirë.

Lexo edhe: A mund te bejme tatuazhe nderkohe qe jemi femijen me gji?