Kujdes nëse keni apo po mendoni të bëni në trupin tuaj një tatuazh të përkohshëm me hene (lloj boje). Ato janë të bukura dhe nuk shkaktojnë dhimbje por mos mendoni se janë të padëmshëm. Sipas një studimi të publikuar në revistën “Journal of environmental research and public health”m këto tatuazhe janë ndër shkaqet e shfaqjes të dermatitit dhe ndërkaq duhet të tregoni kujdes edhe ndaj materialeve të skaduara që mund të përdoren nëse nuk kryhen në një studio tatuazhesh.

Hene mund të shkaktojnë reaksion alergjik dhe më shumë se kaq…

Kjo bojë mund të shkaktojë alergji në lëkurë të shoqëruara edhe me temperaturë, dhe në disa raste të tjera mund të shkaktojnë reaksion në lëkurë pas 72 orësh nga kryerja si pasojë e substancave që ndodhen në hene.

Cila substancë është përgjegjëse?

Hene njihet si një bojë natyrale por edhe pse është kështu, një substancë e quajtur para-fenilendiammina është e rrezikshme. Ajo shtohet në hene për ta bërë ngjyrën më të errët dhe më të qëndrueshme. Tatuazhet e përkohshme mund të shkaktojnë fryrje dhe skuqje të lëkurës, dhe tek ata persona që kanë lëkurë më të ndjeshme mund të shkaktojë edhe dermatit.

Nëse tashmë ju është shfaqur një reaksion duhet të flisni me mjekun dhe me shumë mundësi do t’ju japë një kurë me kortizon dhe antistaminikë.